ភ្នំជើងព្រៃ ដែល​មាន​ប្រវត្តិ​ជា​យូរ​លង់​ណាស់​មក​ហើយ​នោះ ឥឡូវនេះ​បាន​ក្លាយ​ទៅ​ជា​​រមណីយដ្ឋាន​មួយ​ដ៏សែន​មនោរម្យ​សម្រាប់​បបោស​អង្អែល​អារម្មណ៍​ភ្ញៀវទេសចរ។ អាស្រ័យ​ដោយ លក្ខណៈ​ភូមិ​សាស្រ្ត​អំណោយ​ផល ភ្នំជើង​ព្រៃ ស្ថិតនៅ​ចម្ងាយ​ប្រមាណ​តែ​២គ.ម ប៉ុណ្ណោះ​ពីផ្លូវ​ជាតិ លេខ៧ ជា​ប្រភេទ​ផ្លូវ​គ្រួស​ក្រហម និង​៥៦គ.ម ពីទី​រួមខេត្ត​កំពង់ចាម ស្ថិត​នៅ​ក្នុង​ភូមិ​រវៀង ឃុំ​រវៀង ស្រុក​ជើងព្រៃ។ នៅទីនេះមានសក្តានុពលទេសចរណ៍សំខាន់ដែលទាក់ទងនឹងរឿងព្រេងបុរាណខ្មែរ។ នៅទីនេះ ភ្ញៀវទេសចរអាចទស្សនាប្រាសាទបុរាណ និងទេសភាពបែបធម្មជាតិពិលើកំពូលភ្នំ។