ចេតិយឃុនឆាង ជារមណីយដ្ឋានវប្បធម៌ប្រវត្ដិសាស្រ្ដមួយស្ថិតនៅលើថ្មកណ្ដាលដៃសមុទ្រដែលមានទឹតាំងស្ថិតនៅចំពីមុខក្រុងខេមរភូមិន្ទ។ ផ្ទាំងសិលាដែលចេតិយស្ថិតនៅនោះមានបណ្ដោយប្រហែល 20ម៉ែត្រ និងទទឹងប្រហែល 10ម៉ែត្រដែលមានសភាពជាផែនៗខ្ពស់ទាបត្រួតលើគ្នា និងមានទ្រនាប់ខ្សាច់នៃចេតិយ 3ម៉ែត្រ ឯតួចេតិយចាប់ពីចង្កេះឡើងទៅលើមានរាងមូលស្រួច មានក្បាច់ព័ទ្ធជុំវិញជាថ្នាក់ៗបួនជាន់ និងមានកម្ពស់ប្រហែល 5ម៉ែត្រ ហើយតួចេតិយទាំងមូលកសាងពីឥដ្ឋ។