វត្តជោត្តញ្ញាណ មានទីតាំងស្ថិតក្នុងភូមិ បឹងឃុនឆាង សង្កាត់ ស្មាច់មានជ័យ ក្រុងខេរភូមិន្ទ ខេត្តកោះកុង ដែលមានចម្ងាយប្រមាណ ២ គ.ម ពីទីរួមខេត្ត ។ វត្តជោត្តញ្ញាណ ជាវត្តដ៏ចំណាស់មួយ ដែលជាទីសក្ការ បូជារបស់ ពុទ្ធបរិសទ័ក្នុងខេត្តកោះកុង និងជាកន្លែងមួយដែលជា សម្បត្តិវប្បធម៌ ប្រវត្តិសាស្ត្រ របស់ខេត្តផងដែរ ។
II ប្រវត្តិ
ជាដំបូង ក្នុងទីតាំងរបស់វត្ត គឺគេកសាងតែកុដិ ០៣ ខ្នង និងសាលា ឆទាន ០១ ខ្នងតែប៉ុណ្ណោះក្នុងឆ្នាំ ១៩៦១ ដោយលោក លន់ ណុល ដែលកាលនោះ លោកមានឋានៈ ជាឧត្តមសេនីយ៍ឯកអគ្គមេបញ្ជាការកងទ័ពជាន់ខ្ពស់។ នៅឆ្នាំ១៩៦៣ ដោយស្មារតីសាមគ្គីភាពរវាងថ្នាក់ដឹកនាំ កងទ័ព និងប្រជាជនដែលរស់នៅកន្លែងនោះ មានការលើកតម្កើងសាសនារបស់ជាតិ ក៏បានមូលមតិគ្នាកសាង ព្រះវិហារវត្តនេះឡើង ហើយដាក់ឈ្មោះថា វត្តជោត្តញ្ញាណ ដែលជាព្រះនាមរបស់ សម្តេចព្រះសង្ឃរាជ ជួនណាត ហើយឈ្មោះនេះ ក៏បានគេប្រើរហូតមកដល់សព្វថ្ងៃនេះ ។ នៅជំនាន់កម្ពុជាប្រជាធិបតេយ្យ របបប្រល័យពូជសាសន៍ ប៉ុល ពត វត្តនេះត្រូវបានបំផ្លាញស្ទើរតែបាត់រូបរាងទៅហើយ នៅសល់តែផ្នែកខាងលិចដែលមានជាប់រូបយុត្តថ្កាប៉ុណ្ណោះ ( រូបតំណាងសាមគ្គីភាពរបស់កងទ័ព)។ ក្រោយពីប្រទេសកម្ពុជាត្រូវបាន រំដោះ ដោយប្រជាជនមានទឹកចិត្តស្រាឡាញ់ និងជំនឿមុះមុតទៅលើព្រះពុទ្ធសាសនា ប្រជាពលរដ្ឋនៅក្នុង និងក្រៅតំបន់នេះ បានរួបរួមគ្នាជួសជុល និងកសាងបន្ថែម ធ្វើអោយវត្តនេះ មានភាពស្រស់ត្រកាល ។
រថយន្ត ទោចក្រយានយន្ត និងត្រីចក្រយានយន្ត
5 stars (0%)
4 stars (0%)
3 stars (0%)
2 stars (0%)
1 star (0%)