សក្តានុពលទេសចរណ៍ ៖ សហគមន៍អេកូទេសចរណ៍កោះសាមសិបបង្កើតឡើងដោយផ្អែកទៅលើធនធានសក្តានុពលរបស់សហគមន៍ព្រៃឈើ និងសហគមន៍នេសាទខ្សាច់លាវ កោះខ្ញែរ និងពន្ធជា។ សហគមន៍នេះ សំបូរទៅដោយព្រៃឈើជាច្រើនប្រភេទ ដែលជាប្រភេទព្រៃរបោះ និងពាក់កណ្តាលស្រោង ដែលជាជម្រកសត្វព្រៃដ៍សំខាន់ដូចជា សត្វខ្ទីង ប្រឺស ជ្រូកព្រៃ ក្ងោក ត្មាត ត្រយ៉ងចំកំកស និងសម្បូរទៅដោយសត្វស្លាបរាប់រយប្រភេទ និងត្រីដ៏សម្បូរបែប។ល។ ចំណែកក្នុងដែនសហគមន៍នេសាទទាំងបីវិញ សំបូរដោយអន្លង់ទឹកជ្រៅ ទឹកជួរ សំបូរកោះ នឹងព្រៃលិចទឹកដែលជាជម្រកត្រីពងកូនដ៏សំខាន់។ជារួមក្នុងក្នុងតំបន់នេះសំបូរ ទៅដោយធនធានធម្មជាតិដូចជា ព្រៃឈើ ទន្លេ ព្រែក អូរ សត្វព្រៃ សត្វស្លាប និងត្រីជាច្រើនប្រភេទដែលរស់នៅក្នុងទន្លេមេគង្គ។ ចំណែកឯធនធានវប្បធម៌វិញមានដូចជា ពិធីបុណ្យចូលឆ្នាំ ពិធីសែនព្រេន ឡើងអ្នកតា ភ្លេងបុរាណ មន្តអាគម និងអាពាហ៍ពិពាហ៍ជាដើម និងប្រពៃណីជនជានដើមភាគតិច។ ក្រៅពីនេះប្រជាជនក្នុងតំបន់នេះមានវប្បធម៌ដ៏ល្អ គឺការចេះជួយគ្នាទៅវិញទៅមក មិនប្រកាន់បក្សពួក រួសរាយរាក់ទាក់ភ្ញៀវ មានសុជីវធម៌ មិនកេងបន្លំគ្នាដែលជាគំរូដ៏ល្អ។
សកម្មភាពទេសចរ ៖ ទេសចរអាចជិះទូកមើលសត្វស្លាបច្រើនប្រភេទ បោះតង់នៅលើកោះដែលរៀបចំដោយប្រធានសហគមន៍ មើលទេសភាពថ្ងៃលិចតាមមាត់ទន្លេរ ងូតទឹកកម្សាន្ត ស្ទូចស្រី លេងកីឡាលើឆ្នេរខ្សាច់ និងពិសារអាហារដែលរៀបចំដោយប្រជាសហគមន៍ និងមានបម្រើសេវាកម្មស្នាក់នៅ (ផ្ទះស្នាក់សហគមន៍)ផងដែរ។
សម្រាប់ព័ត៌មានបន្ថែម៖
លោក ឃុត សំអុល ប្រធានសហគមន៍អេកូទេសចរណ៍កោះសាមសិប
ទូរសព្ទលេខ៖ ០៨៨ ៨៣ ៥៣ ៤០៨
សម្រាប់ព័ត៌មានបន្ថែម៖
លោក ឃុត សំអុល ប្រធានសហគមន៍អេកូទេសចរណ៍កោះសាមសិប
ទូរសព្ទលេខ៖ ០៨៨ ៨៣ ៥៣ ៤០៨
5 stars (0%)
4 stars (0%)
3 stars (0%)
2 stars (0%)
1 star (0%)