រមណីដ្ឋានស្ទឹងកំរៀង ជារមណីយដ្ឋានមួយបែបធម្មជាតិមានទេសភាពស្រស់ស្អាតនៅជុំវិញទឹកធ្លាក់។ អ្វីដែលធ្វើឱ្យពិសេសនៃភាពទាក់ទាញអ្នកទេសចរមកលេងនៅក្នុងតំបន់កាន់តែច្រើកុះករនោះ គឺសម្រស់នៃធម្មជាតិ និងទឹកធ្លាក់ដ៏ស្រស់ស្អាត និងសម្រស់ធម្មជាតិដុះអមជុំវិញ។ រមណីយដ្ឋានទេសចរណ៍នេះមានទឹកធ្លាក់គ្រប់រដូវកាលសម្រាប់អ្នកទេសចរងូតលេងកម្សាន្ត។ រមណីយដ្ឋានស្ទឹងកំរៀង មានចម្ងាយប្រហែល 101គីឡូម៉ែត្រ ពីទីរួមខេត្តបាត់ដំបង ដោយយើងធ្វើដំណើរចេញពីទីរួមខេត្តបាត់ដំបងឆ្ពោះទៅតាមផ្លូវ 57 និងបត់ឆ្វេងមកតាមផ្លូវ 1570 កាត់តាមអាងកំពីងពួយធ្វើដំណើររហូតដល់ស្រុកកំរៀង និងប្រហែល 2 ម៉ោងមកដល់គោលដៅ។