រមណីយដ្ឋានប្រវត្តិសាស្រ្តទំនប់អាងបាសាក់ កកើតឡើងនៅសម័យរបបប៉ុល ពត ចន្លោះឆ្នាំ1976-1978។ អាងនេះជាទំនប់ទឹកបេតុងដ៏ធំមួយដែលមានបរិស្ថានធម្មជាតិល្អប្រសើរ និងមានព្រៃធម្មជាតិដុះជុំវិញគួរឱ្យចង់គយគន់។ នៅរដូវប្រាំងមានចរន្តទឹកហូរខ្សោយល្មម រីឯរដូវវស្សាមានទឹកហូរខ្លាំងបាញ់ជាពពុះទឹកគួរឱ្យទស្សនា ទឹកថ្លាល្អមានលក្ខណៈងាយស្រួលដល់ភ្ញៀវទេសចរងូតកម្សាន្តនៅក្នុងឱកាសបុណ្យទានម្ដងៗ គេសង្កេតឃើញប្រជាពលរដ្ឋទៅកម្សាន្តទីនោះយ៉ាងច្រើនកុះករ។ រមណីយដ្ឋានប្រវត្តិសាស្រ្តទំនប់អាងបាសាក់ មានចម្ងាយប្រមាណ 80គីឡូម៉ែត្រ ពីទីរួមខេត្តបាត់ដំបង ដោយធ្វើដំណើរតាមផ្លូវជាតិលេខ 5 ទៅទិសខាងកើតរហូតដល់ស្រុកមោងប្ញស្សី និងហួសប្រមាណ 5 គីឡូម៉ែត្ររួចបត់ស្តាំ ឆ្ពោះត្រង់ទៅកាន់ស្រុករុក្ខគីរីនិងមកដល់គោលដៅ។
5 stars (0%)
4 stars (0%)
3 stars (0%)
2 stars (0%)
1 star (0%)