រមណីយដ្ឋានបឹងធម្មជាតិវាលរំពេ គឺជារមណីយដ្ឋានមួយដែលមានសក្ដានុពលខាងវិស័យទេសចរណ៍ដែលអាចទាក់ទាញភ្ញៀវទេសចរជាតិ និងអន្តរជាតិឱ្យមកលំហែកាយសម្រាកលេងកម្សាន្តបាន។ បឹងនោះមានទំហំ 21ហិចតា​ នៅទីនោះផងដែរមានទេសភាពដ៏ស្រស់ស្អាតលាយឡំដោយរុក្ខជាតិជាច្រើនអមទៅដោយសម្លេងសត្វបក្សាបក្រីស្រែកយំអឺងកងគួរឱ្យចង់ទៅលេងកម្សាន្ត។ នៅពេលអនាគតគេគ្រោងសាងសងខ្ទមបែបជនជាតិភាគតិច រៀបចំកន្លែងអង្គុយតាមបែបវប្បធម៌ជនជាតិ និងភោជនីយដ្ឋានសម្រាប់សម្រាកកម្សាន្ត និងញ៉ាំអាហារ។