សួនស្នេហ៍ជនបទ ជារមណីយដ្ឋាន​ទេសចរណ៍​បែប​កែ​ច្នៃ​ដោយ​លាត​សន្ធឹង​លើ​ទំហំ​ដី​ ​ជាង​បួន​ហិកតា​នៅ​ជាប់​នឹង​ជើង​ភ្នំ​ខ្លា។ រមណីយដ្ឋាននេះមាន​ទេសភាព​ធម្មជាតិ​កែ​ច្នៃ​ដ៏​ស្រស់​ត្រកាល បែប​ព្រៃ​ភ្នំ​ជនបទ​លម្អ​ទៅ​ដោយ​សួន​ច្បារ​តូចៗ​កន្លែង​អង្គុយ​លេង​កម្សាន្ត ហើយមាន​បង់និងរោង​​ ​តម្រៀប​ជា​ជួរ​​ និង​រូប​ចម្លាក់​សត្វ​ព្រៃ​និង​សត្វ​ស្រុក​ជា​ច្រើន​លាក់​ខ្លួន​តាម​គុម្ព​ផ្កា​។ ភ្ញៀវទេសចរអាចលំហែកាយជាមួយសួនផ្កាចម្រុះពណ៌ជាច្រើនប្រភេទ។