ប្រាសាទព្រហ្មកិល ត្រូវបានសាងសង់ឡើងពីថ្មភក់ និងបាយក្រៀមនៅចុងសតវត្សទី12 ដើម្បីឧទ្ទិសដល់ព្រះពុទ្ធសាសនា មហាយាន ក្នុងរជ្ជកាលព្រះបាទជ័យវរ្ម័នទី7 ដែលមានរចនាបថស្ថាបត្យកម្មតាមបែបប្រាសាទតាព្រហ្ម មាន​រាង​តូចច្រឡឹង ជាសំណង់ប្រាសាទទោល បែរមុខទៅទិសខាងកើត។ ថ្វីត្បិតតែមានទំហំតូច និងទ្រុឌទ្រោមអស់ក៏ដោយប៉ុន្តែអ្វីដែលនៅសេសសល់​រូប​ចម្លាក់​មនុស្ស ទេពអសុរ ព្រះពុទ្ធសម្មាធិ ទេពអប្សរ អវលោកកេស្វរ និង ក្បាច់​ឆ្លាក់​នៅ​ផ្ទាំង​ថ្ម​ប្រាសាទស្រស់ស្អាត ​គួរ​ជាទី​ចាប់​ចិត្ត និងគួរឱ្យកោតសរសើរពីស្នាដៃបុព្វបុរសខ្មែរ។ យោងតាមអ្នកស្រាវជ្រាវ ប្រាសាទ​នេះ​ជាសាលាសំណាក់ ឬមន្ទីរពេទ្យរបស់ព្រះបាទជ័យវរ្ម័នទី7។ ​