ប្រាសាទស្វាយអៀ ជាប្រាសាទមួយដែលកសាងនៅក្នុងសម័យអង្គរ ដោយព្រះបាទរាជេន្រ្ទវរន្ម័នទី1 ក្នុងសតវត្សរ៍ទី10 ដើម្បីឧទ្ទិសថ្វាយដល់សាសនាព្រាហ្មណ៍។ ប្រាសាទស្វាយអៀ មានចម្ងាយប្រមាណ 47គីឡូម៉ែត្រ ដោយធ្វើដំណើរចេញពីសាលាខេត្ដតាមតីរវិថី ស្ទឹងសែន ឆ្ពោះទៅផ្លូវជាតិលេខ 6 រួចបត់ឆ្វេងទៅត្រង់ឆ្ពោះទៅស្រុកស្ទោង ប្រហែល 41គីឡូម៉ែត្រ រួចបត់ឆ្វេងទៅត្រង់ប្រហែល 2.5គីឡូម៉ែត្រ អ្នកនឹងទៅដល់ប្រាសាទស្វាយអៀ។