រមណីយដ្ឋានស្ទឹងព្រៃប្រស់ ជារមណីយដ្ឋានទេសចរណ៍បែបធម្មជាតិ ។ រមណីយដ្ឋាននេះជាបឹងធម្មជាតិតាំងពីដូនតា មានទីតាំងស្ថិតនៅខាងលិចស្ពានព្រៃប្រស់ ក្នុងឃុំត្បែង ស្រុកកំពុងស្វាយ ខេត្តកំពង់ធំ​ និងមានចំងាយប្រមាណជា១៦ គីឡូម៉ែត្រពីទីរួមខេត្ត ។​ សព្វថ្ងៃទីនេះគឺជាទីរមណីយដ្ឋានដ៏មានភាពទាក់ទាញសម្រាប់ភ្ញៀវទេសចរគ្រប់រូបលំហែរកម្សាន្ត និងបណ្ដែតអារម្មណ៍បែបធម្មជាតិ។ រមណីយដ្ឋានធម្មជាតិមួយនេះ អាចឲ្យអ្នកទេសចរ មកអង្គុយលំហែរកាយ គយគន់ទេសភាព ពិសេសសត្វស្លាបជាច្រើនប្រភេទ និងវាលស្រែដ៏ធំល្វឹងល្វឺយ នៃសម្រស់ទឹកដីខេត្តកំពង់ធំ ព្រមទាំងងូតទឹកលេងកម្សាន្តយ៉ាងសប្បាយ។ លើសពីនេះទៀត ប្រជាពលរដ្ឋក៏អាចរកចំណូលបានយ៉ាងច្រើនផងដែរ តាមរយ:ការផ្ដល់សេវា លក់ម្ហូបអាហារ និងផលិតផលក្នុងតំបន់ជូនភ្ញៀវទេសចរ ដើម្បីបង្កើនសេដ្ឋកិច្ចគ្រួសារ។