ភូមិផ្កាត្រកួន ជា​កន្លែង​សម្រាក​លម្ហែកាយដែលមានការកែច្នៃ​បែប​ធម្មជាតិ​ និងមានទេសភាពស្រស់ស្អាត​។ ​ ភ្ញៀវទេសចរ​ដែល​មក​កម្សាន្ត​នៅ​រមណីយដ្ឋាន​នេះ ​អាច​ជិះទូក​កម្សាន្ត​ ស្ទូចត្រី គយគន់​ទេសភាព​ផ្ទៃ​បឹង​ដែលមាន​ខ្យល់​អាកាស​បរិសុទ្ធ​  និងមានអាងហែលទឹក សួន​បន្លែ សួនផ្កាចម្រុះពណ៌ជាដើម។​ ពិសេសជាងនេះទៅទៀត​ នៅ​ប្រប​មាត់បឹង​មានតូបឈើ​ប្រក់​ដំបូល​ស្បូវ ដែលអាចទស្សនា​​ថ្ងៃ​លិចបាន ។​ រមណីយដ្ឋាន​នេះ​ក៏​មាន​បម្រើ​អាហារ​សុទ្ធសឹង​ជា​ម្ហូប​ខ្មែរ​បែប​ស្រុក​ស្រែចម្ការ​​ និងផ្ទះបុរាណដែលមានរចនាបថ​សម័យ​ឧដុង្គ ​សម្រាប់ភ្ញៀវទេសចរ​​សម្រាក​ផង​ដែរ​។