វត្តទួលព្រះរាជា ជាបូជនីយដ្ឋានមួយដែលភ្ញៀវទេសចរអាចទស្សនារូបព្រះពុទ្ធបដិមាមួយអង្គយ៉ាងធំ មានទម្រង់ជាការគង់សមាធិ​ ដែលជាសំណង់ប្រាសាទយកលំនាំតាមរចនាបថអង្គរ ដែលមានពណ៌ចាំងឆ្លុះដែលជាការទាក់ទាញមួយផ្នែកដល់ភ្ញៀវទេសចរ។ មិនតែប៉ុណ្ណោះ ទីនេះក៏មានបរិស្ថានស្អាតល្អ អមជាមួយទេសភាពធម្មជាតិដែលនៅព័ទ្ធជុំវិញផងដែរ។ ប្រជាជនទាំងជិតទាំងឆ្ងាយដែលមានជំនឿលើវត្តនេះតែងទៅបន់ស្រន់ និងថ្វាយសក្ករៈបូជានៅទីនោះមិនដែលដាច់ផងដែរ។