វត្តវាំងចាស់ជាអតីតព្រះបរមរាជវាំងសារពើយុត្តិដែលជាព្រះរាជនិវេសនដ្ឋានសម័យឧត្តុង្គ។ ហើយវត្តនេះ កសាងឡើងក្នុងរជ្ជកាលព្រះបាទសម្តេចហរិរក្សរាមាឥស្សរាធិបតីព្រះអង្គឌួង (នៅគ.ស. 1840 ដល់ គ.ស. 1859)។ យោងតាមឯកសារ រាជពង្សាវតារជាសាស្រ្តាស្លឹករឹតនៅវត្តកោកកាក វត្តវាំងចាស់ត្រូវបានកសាងដំណាលគ្នានឹង វត្តព្រះពុទ្ធសេយ្យាសន៍ វត្តគ្រាំងពន្លៃ វត្តព្រះវិហារសំណ វត្តសាលាគូ និង វត្តវិហារខ្ពស់ ដែលសុទ្ធសឹងតែស្ថិតនៅក្នុង បរិវេណរាជធានី ក្រុងឧតុង្គមានជ័យ។ ចំពោះមូលហេតុដែលវត្តនេះមានឈ្មោះជាផ្លូវការថា វត្តហរិរក្សរាជិនី ពីព្រោះដំបូងឡើយ ព្រះបរមកោដ្ឋបានថ្វាយទីតាំងព្រះបរមរាជវាំងចាស់នេះឱ្យទៅ ព្រះវររាជិនីដែលជាព្រះមាតារបស់ព្រះអង្គ គង់ប្រថាប់ ពេលដែលព្រះអង្គត្រូវយាងទៅគង់នៅព្រះបរមរាជវាំងចតុមុខវិញ។ សព្វថ្ងៃវត្តវាំងចាស់កំពុងទាក់ទាញអ្នកទេសចរ ជាពិសេសនៅក្នុងរដូវកាលបុណ្យជាតិធំៗ មានអ្នកទេសចរមកលេងកម្សាន្ត និងមកធ្វើបុណ្យទានយ៉ាងច្រើនកុះករ
5 stars (0%)
4 stars (0%)
3 stars (0%)
2 stars (0%)
1 star (0%)