រមណីយដ្ឋាន​សួនសុបិនព្រែកឯង ជារមណីយដ្ឋានមួយដែលមាន​បរិយាកាស​​បរិសុទ្ធ​ កន្លែង​ធំ​ទូលាយ ​មាន​ស្រះ​ទឹក​​សម្រាប់អោយភ្ញៀវទេសចរ​ជិះ​ទូក​លេង​ ​​ស្ទូច​ត្រី​ ​យក​មក​ធ្វើ​ម្ហូប​ មានអាង​ហែល​ទឹក​សម្រាប់​កុមារ​ និង​មនុស្ស​ធំ ព្រម​ទាំង​មាន​កន្លែង​ក្មេង​លេង​ សួន​ផ្កា និង​កញ្ចុះ​នៅ​អែប​មាត់​ស្រះ​​ដ៏​​ត្រជាក់​ជា​ច្រើន ​ទុក​ឱ្យ​ភ្ញៀវ​សម្រាក​កម្សាន្ត រួម​ទាំង​អាហារដ្ឋានដែលមានម្ហូប​​ជា​ច្រើន​​មុខ​ទៀតផង។ ក្រៅពីនេះនៅ​ខាង​ក្នុង​ក៏​មាន​​សួន​សត្វ​ ដែល​មាន​សត្វ​ជា​ច្រើន​​ដូច​ជា​ សត្វ​អូទ្រីស សត្វ​ក្ងោក សត្វ​​ប្រើស និង​សត្វ​ជា​ច្រើន​ទៀត​​​ឱ្យ​ភ្ញៀវ​ទស្សនា​កម្សាន្ត​។