តំបន់មាត់ទន្លេចុងប៉ម ជាកន្លែងដែលអមដោយទេសភាពស្រស់ស្អាត ជាពិសេសពេលថ្ងៃរៀបលិចនារដូវទឹកឡើងដែលមិនចាញ់ភ្នំក្រោម និងភ្នំបាខែង ខេត្តសៀមរាបនោះទេ។ អ្នកក្រុងព្រៃវែង ទាំងអស់តែងតែមកទីនេះស្រូបយកខ្យល់បរិសុទ្ធនៃជំនោរទឹកទន្លេ ត្រជាក់ភ្លេចអស់ទុក្ខកង្វល់។ ឯខែប្រាំងវិញ គេនៅតែអាចស្រូបខ្យល់បរិសុទ្ធត្រជាក់ អមដោយទេសភាពវាលស្រែប្រាំងវិញម្ដង ជំនួសអោយផ្ទៃទឹកនាខែវស្សា ជាពិសេសរៀងរាល់ឆ្នាំ នៅថ្ងៃបុណ្យភ្ជុំបិណ្ឌតែងតែមានការប្រណាំងទូកង នៅពេលថ្ងៃ និងបណ្ដែតប្រទីបនៅពេលយប់។