ដំណាក់ស្ដេច គឺជាអតីតព្រះរាជដំណាក់របស់ព្រះបរមរតនកោដ្ឋសម្ដេចឪនរោត្ដម សីហនុកសាងនៅក្នុងអំឡុងឆ្នាំ1962-1965 ស្ថិតនៅលើកំពូលភ្នំគិរីរម្យ ដែលមានភាពចាស់ទ្រុឌទ្រោមហើយ ប៉ុន្តែមានទេសភាពយ៉ាងស្រស់ស្អាតដោយមានដើមស្រល់ដុះយ៉ាងច្រើន បូករួមជាមួយនឹងស្មៅដុះខៀវស្រងាត់នៅពីក្រោមដើមស្រល់ទាំងនោះទៀតផង។ ជាពិសេសទេសភាពដ៏សែនមនោរម្យ នៅទីនោះរួមជាមួយទឹកបឹងដ៏ស្រស់ស្អាតមួយដែរនៅក្បែរជើងភ្នំ បានធ្វើឱ្យអ្នកដំណើរទាំងអស់មានអារម្មណ៍ស្រស់ស្រាយខ្លាំងណាស់ និងរំសាយអស់ទុក្ខកង្វល់ទាំងឡាយទាំងពួង។
ដំណាក់ស្ដេច មានចម្ងាយប្រហែល167គីឡូម៉ែត្រពីទីរួមខេត្តព្រះសីហនុ ដោយធ្វើតាមផ្លូវលេខ44 រួចបត់ស្ដាំចូលតាមផ្លូវជាតិលេខ4រហូតដល់ត្រែងត្រយឹងប្ដូរទៅផ្លូវលេខ46វិញ ដោយបន្តដំណើរឡើងតាមចង្កេះភ្នំ រហូតដល់ផ្លូវបំបែកជាពីរ បត់ស្ដាំ រួចបន្តដំណើទៅមុខបន្តិចទៀតនឹងដល់ព្រះរាជដំណាក់នេះជាក់ជាមិនខាន។ យើងអាចធ្វើដំណើរតាមមធ្យោបាយ កង់/ម៉ូតូ រថយន្ត ឡានក្រុង រថភ្លើង យន្តហោះ។
5 stars (0%)
4 stars (0%)
3 stars (0%)
2 stars (0%)
1 star (0%)