សម្រស់ទឹកពណ៌ត្បូងមរកត ហូរជ្រៀតក្រហែងថ្មខ្ពស់ទាបក្រោមសូរសន្ធឹកឈូឆរលើវាលលំហដ៏ល្វឹងល្វើយនៃដងទន្លេមេគង្គភាគឦសាន រំលេចជាទស្សនីយភាពទឹកធ្លាក់ដ៏ស្រស់ត្រកាលគួរឲ្យក្បង់ស្រោបប្រាណស្ថិតនៅក្បែរបន្ទាត់ព្រំដែនរវាងប្រទេស កម្ពុជា-ឡាវ ក្នុងសហគមន៍ព្រៃឈើព្រះលាន ឃុំកំពង់ស្រឡៅពីរ ស្រុកឆែប ខេត្ដព្រះវិហារ។
ចេញពីក្រុងព្រះវិហារបរលើផ្លូវជាតិលេខ ៩ ពុះជ្រែកតំបន់ព្រៃឡង់ដ៏រហោឋាន កាត់ភូមិដងផ្លិត ឃុំឆែបពីរ ចូលផ្លូវលំប្រមាណជាង ៦៥ គីឡូម៉ែត្រ ឬពីទីរួមខេត្ដស្ទឹងត្រែង តាមផ្លូវជាតិលេខ ៩ ចូលតាមផ្លូវលំ ទឹកធ្លាក់មានឈ្មោះរហូតដល់ ៣ ខុសៗគ្នា គឺទឹកធ្លាក់ព្រះនិម្មិត ឬក៏ទឹកធ្លាក់សុភមិត្រ ឬល្បាក់ខោន រាយមន្ដទាក់ទាញភ្ញៀវលើសពីការកម្សាន្ដបែបធម្មជាតិ។
ភ្ញៀវទេសចរអាចធ្វើដំណើរមកកាន់រមណីយដ្ឋាននេះដោយធម្យោបាយធ្វើដំណើរដូចជា៖ រថយន្ត ទោចក្រយានយន្ត និងត្រីចក្រយានយន្ត។
5 stars (0%)
4 stars (0%)
3 stars (0%)
2 stars (0%)
1 star (0%)