សហគមន៍ទេសចរណ៍ត្រពាំងរូង ជាកន្លែងលម្ហែកាយមួយដ៏ស្រស់បំព្រង ដែលមានតូបអង្គុយលេង​ កន្លែងស្នាក់នៅ មានម្ហូបអាហារ និងមានធម្មជាតិសម្រាប់ភ្ញៀវទេសចរទស្សនា។ នៅទីនោះ ភ្ញៀវទេសចរអាចជិះទូកទស្សនាតាមដៃសមុទ្រ ភូមិសហគមន៍ រួមទាំងព្រៃធម្មជាតិក្នុងតំបន់ទាំងមូល។ លើសពីនេះទៅទៀត នៅមានផ្ទះសំណាក់ ភោជនីយដ្ឋានបែបបុរាណបណ្ដែតខ្លួនរងចាំទទួលស្វាគមន៍ភ្ញៀវទេសចរនៅកណ្ដាលទ្រូងព្រៃក្នុងសហគមន៍ថែមទៀតផង។