"សហគមន៍ការពារធនធានធម្មជាតិ ពាមក្រសោប"ជារមណីយដ្ឋានទេសចរណ៍បែបសហគមន៍ធម្មជាតិ រមណីយដ្ឋាននេះមានទីតាំងស្ថិតនៅក្នុងភូមិបាំងកាយ៉ាក ឃុំពាមក្រសោប ស្រុកមណ្ឌលសីមា ដែលមានចំងាយប្រមាណ ៥គីឡូម៉ែត្រពីទីរួមខេត្តកោះកុង ទីនេះមានសក្តានុពលទេសចរណ៍សំខាន់ៗដូចជា ​ព្រៃកោងកាង ឆ្នេរភក់ ផ្សោតសមុទ្រ និងអំពិលអំពែក។ នៅទីនេះ ភ្ញៀវទេសចរអាចដើរមើលព្រៃកោងកាង ជិៈទូកតាមដៃសមុទ្រទៅមើលផ្សោត និងមើលអំពិលអំពែកនៅពេលរាត្រី។