ក្រសួងទេសចរណ៍ និងសមាគមទីភ្នាក់ងារទេសចរណ៍កម្ពុជា (CATA) នាថ្ងៃទី២០ ខែកក្កដា ឆ្នាំ២០១៨ បានរៀបចំពិព័រណ៍ក្នុងស្រុកលើកដំបូងដ៏ធំមួយនៅសាលតាំងពិព័រណ៍កោះពេជ្រដើម្បីផ្សព្វផ្សាយពីផលិតផលទេសចរណ៍ និងចូលរួម ជុំរុញចលនាទេសចរណ៍ក្នុងស្រុក ដែលកំពុងមានការកើនឡើងរៀងរាល់ឆ្នាំ។ ពិធីបើកពិព័រណ៍ទេសចរណ៍នេះត្រូវបានធ្វើឡើងក្រោមអធិបតីភាព ឯកឧត្តមបណ្ឌិត ថោង ខុន រដ្ឋមន្រី្ត-ក្រសួងទេសចរណ៍ និងមានស្តង់បង្ហាញផលិតផលទេសចរណ៍ប្រមាណ ១៥០ ស្តង់។
