ព្រះរាជាណាចក្រកម្ពុជាហៅកាត់ថាកម្ពុជា គឺជាប្រទេសមួយមានទីតាំងស្ថិតនៅភូមិភាគអាស៊ីអាគ្នេយ៍ ខាងត្បូងឧបទ្វីបឥណ្ឌូចិន មានព្រំដែនជាប់ប្រទេសថៃ ប្រទេសឡាវ និងជាប់ប្រទេសវៀតណាម។ ព្រំដែនសមុទ្រលាតសន្ធឹងលើឈូងសមុទ្រថៃ ។ កម្ពុជាមានខេត្ត និងក្រុងចំនួន ២៥ និងមានរាជធានីដែលហៅថា រាជធានីភ្នំពេញ។
ប្រទេសកម្ពុជាមានផ្ទៃដី ១៨១ ០៣៥ គីឡូម៉ែតការ៉េ មានព្រំដែនដីគោក ខាងជើងនិងខាងលិច ជាប់ប្រទេសថៃ ៨០០គ.ម ជាប់ប្រទេសឡាវ៥៤១គ.មភាគខាងឥសាន និងជាប់ប្រទេសវៀតណាម ១២២៨គ.មភាគខាងកើតនិងអាគ្នេយ៍។ ព្រំដែនសមុទ្រលាតសន្ធឹងលើឈូងសមុទ្រថៃ ប្រវែង៤៤៣គ.ម។ ទីតាំងភូមិសាស្ត្រនេះបានផ្តល់នូវទំនាក់ទំនងងាយស្រួលក្នុងវិស័យសេដ្ឋកិច្ច ទេសចរណ៍ជាមួយប្រទេសជិតខាង និង លើពិភពលោក។ ដោយយោងទៅលើកូអរដោនេភូមិសាស្ត្រប្រទេសកម្ពុជាស្ថិតនៅត្រង់ចន្លោះខ្សែស្របទី១០ និង ទី១៥ នៃរយៈទទឹងខាងជើង និង ត្រង់ចន្លោះខ្សែបណ្តោយទី១០២ និង ទី១០៨ នៃរយៈបណ្តោយខាងកើត។ កូអរដោនេភូមិសាស្ត្រនេះបញ្ជាក់អោយឃើញច្បាស់ថា ប្រទេសកម្ពុជាស្ថិតនៅតំបន់ត្រូពិចគឺក្តៅហើយសើម ម៉្យាងទៀតស្ថិតក្នុងតំបន់អាស៊ីមូសុងគឺសំបូរភ្លៀងដែលជាតំបន់មានលក្ខណៈល្អប្រសើរដល់ការលូតលាស់នៃរុក្ខជាតិដំណាំគ្រប់ប្រភេទ។ តំបន់ភ្នំគឺស្ថិតនៅភាគខាងជើង និងបូព៌ា ប៉ុន្តែដីភាគច្រើនមានលក្ខណៈរាបស្មើ ដែលល្អឥតខ្ចោះសម្រាប់ការដាំដុះស្រូវ។ ជាក់ស្ដែងថ្មីៗ អង្ករផ្កាម្លិះរបស់ប្រទេសកម្ពុជាបានទទួលជោគជ័យក្នុងការប្រកួតប្រជែងអង្ករដែលល្អបំផុតលើពិភពលោកចំនួនបីដង។ តំបន់វាលស្រែបៃតង និងដើមឈើ ត្រូវបានផ្តល់ឱ្យដោយបឹងទន្លេសាបយក្សនិងទន្លេមេគង្គដ៏ល្បីល្បាញដែលជាទន្លេវែងបំផុតទី 12 នៅលើពិភពលោកដែលហូរកាត់ប្រទេស និងរាជធានីភ្នំពេញ។ រ៉ែថ្មីៗប្រេងកាតនិងឧស្ម័នធម្មជាតិត្រូវបានរកឃើញនៅក្រោមទឹកដីរបស់ប្រទេសកម្ពុជា ទ្រព្យសម្បត្តិដ៏មានតម្លៃដែលពិតជានឹងចូលរួមចំណែកក្នុងសេដ្ឋកិច្ចដ៏រីកចំរើននេះ។
ប្រទេសកម្ពុជា ជាប្រទេសដែលទទួលឥទ្ធិពលខ្យល់មូសុងគឺក្តៅហើយសើម។ គេចែករដូវនៅប្រទេសកម្ពុជាជាពីរធំៗរដូវប្រាំង និងរដូវវស្សា។ រដូវប្រាំងជារដូវក្តៅហើយស្ងួតចាប់ពីខែវិច្ឆិកាដល់ខែមករា (រដូវរំហើយ) ដែលមានអាកាសធាតុត្រជាក់ស្រួល ហើយចាប់ពីខែកុម្ភៈដល់ខែមេសាគឺមានអាកាសធាតុក្តៅហួតហែង ពិបាកនឹងរស់នៅទាំងមនុស្ស សត្វ និងរុក្ខជាតិ។ រដូវវស្សាចាប់ពីខែឧសភាដល់ខែតុលា ខ្យល់មូសុងបក់មកពីទិសនិរតីដែលជាខ្យល់ក្តៅតែសើម និងមានភ្លៀងធ្លាក់ច្រើនមានឈ្មោះថា (មូសុងវស្សា) ។ ឥទ្ធិពលខ្យល់មូសុងមានស្ទើនៅគ្រប់ទីកន្លែងនៃប្រទេសកម្ពុជាដែលធ្វើឲ្យមានលក្ខណៈពិសេសបង្កើតរបបទឹកភ្លៀង និងរដូវយ៉ាងទៀងទាត់។
ប្រជាជនសរុបរបស់កម្ពុជាមានចំនួន ១៥,២៨៨,៤៨៩នាក់គិតត្រឹមថ្ងៃទី០៣ ខែមីនា ឆ្នាំ២០១៩ ក្នុងនោះមានប្រុស៧,៤១៨,៥៧៧នាក់ និងស្រី៧,៨៦៩,៩១២នាក់។ ចំនួនប្រជាជនសរុបកើនឡើង ១,៨៩២,៨០៧នាក់ ត្រូវនឹង១៤.១ភាគរយ រយៈពេល១១ឆ្នាំ រវាងឆ្នាំ២០០៨ និងឆ្នាំ២០១៩។ ក្នុងនោះក្រុមជនជាតិភាគតិចមួយចំនួនបានតាំងទីលំនៅនៅកម្ពុជារាប់រយឆ្នាំមកហើយរួមទាំងជនជាតិចាម ចិន ឥណ្ឌា វៀតណាម ថៃ គួយ ស្ទៀង និងតាមិល។ បច្ចុប្បន្នមានជនបរទេសជាច្រើនបានបន្លាស់ទីមករស់នៅក្នុងកម្ពុជា។ ភាសាខ្មែរជាភាសាផ្លូវការនៅកម្ពុជា។
រដ្ឋធម្មនុញ្ញ ច្បាប់ដទៃទៀត និងគោលនយោបាយនានាការពារសេរីភាពសាសនា។ រដ្ឋធម្មនុញ្ញហាមប្រាមការរើសអើង ដោយសារសាសនា ។ ពុទ្ធសាសនាគឺជាសាសនារបស់រដ្ឋ ប្រជាជនប្រហែល ៩៦% កាន់ពុទ្ធសាសនាហិនយាន។ ជនជាតិខ្មែរភាគច្រើនលើសលុបជាពុទ្ធសាសនិក ។ មានទំនាក់ទំនងគ្នាយ៉ាងជិតស្និទ្ធរវាងពុទ្ធសាសនា ប្រពៃណីវប្បធម៌ និងអត្តសញ្ញាណខ្មែរ និងជីវិតរស់នៅប្រចាំថ្ងៃ។ សាសនាដទៃទៀតរូមមាន សាសនាឥស្លាម សាសនាគ្រឹះនិកាយ និងសាសនាហិណ្ឌូជាដើមក៏ត្រូវបានគោរពប្រតិបត្តិផងដែរ។
ភាសាខ្មែរ ឬ ខ្មែរ គឺជាភាសាមួយនៃជនជាតិខ្មែរ និង ជាភាសាជាផ្លូវការនៃប្រទេសកម្ពុជា ។ វាជាភាសាមួយក្នុងចំណោមភាសាដែលចាស់ជាងគេនៅក្នុងតំបន់ហើយវាមានដើមកំណើតមកពីអម្បូរមន - ខ្មែរ ជាជនជាតិដែលចាស់ជាងគេ ហើយជនជាតិនេះមានវប្បធម៌-អារ្យធម៌របស់ខ្លូនផ្ទាល់យ៉ាងហោចណាស់ក៏ពីរវាង ១លានឆ្នាំ មុនគ.សមកហើយដែរ។ វាត្រូវបានកត់សម្គាល់សម្រាប់អក្ខរក្រមទូលំទូលាយរបស់វាដោយមានព្យញ្ជនៈ 33 ស្រះ 23 និងស្រះឯករាជ្យ 12 ។ មិនដូចភាសាអាស៊ីដទៃទេខ្មែរមិនមែនជាសំនៀងទេដូច្នេះវាងាយស្រួលសម្រាប់ជនបរទេស។ ខណៈពេលដែលការរៀនឃ្លាសាមញ្ញគឺអាចទាក់ទងទៅជនបរទេសបាន។
ទង់ជាតិកម្ពុជាត្រូវបានអនុម័តដោយសភាជាតិក្រោយការបោះឆ្នោតជាសកលលើកដំបូង ក្នុងប្រទេសកម្ពុជានាឆ្នាំ១៩៤៧។ ទង់ជាតិនេះតំណាងឲ្យប្រទេសកម្ពុជាស្វយ័តក្នុងសហភាពបារាំង ហើយក្រោយមកក្លាយជាទង់ជាតិនៃប្រទេសកម្ពុជាឯករាជ្យ រហូតដល់រដ្ឋប្រហារឆ្នាំ១៩៧០។ ចលនាកងទ័ពជាតិសីហនុនិយមប្រើប្រាស់ទង់ជាតិនេះជាតំណាង ពីឆ្នាំ១៩៧៩ ដល់ឆ្នាំ១៩៨៩។ ទង់ជាតិនេះត្រូវបានប្រើប្រាស់ឡើងវិញចាប់ពីការប្រកាសព្រះរាជាណាចក្រកម្ពុជា(ទីពីរ) នាឆ្នាំ១៩៩៣ រហូតមកដល់សព្វថ្ងៃ។ ប្រាសាទអង្គរវត្តតំណាងឲ្យសាសនាព្រះពុទ្ធនៃប្រទេសរួមជាមួយកិត្តិយសនិងមរតកនៃប្រជាជនខ្មែរ។ ខ្សែពណ៌ខៀវតំណាងឲ្យព្រះមហាក្សត្រហើយក៏មានសេរីភាពនិងកិច្ចសហប្រតិបត្តិការផងដែរ។ ពណ៌ក្រហមតំណាងឲ្យមនុស្សហើយក៏បង្ហាញពីភាពក្លាហានផងដែរ។ សរុបសេចក្ដីទង់ជាតិបានសង្ខេបពាក្យស្លោកថា " ជាតិ សាសនា ព្រះមហាក្សត្រ " ។
ប្រទេសកម្ពុជាបានកំណត់យករំដួលធ្វើជាផ្កាតំណាងអត្តសញ្ញាណរបស់ជាតិតាមព្រះរាជក្រិត្យចុះថ្ងៃទី២១ ខែមីនា ឆ្នាំ២០០៥។ ការសម្រេចយករំដួលជាផ្កានិមិត្តរូបសម្រាប់ប្រជាជាតិរបស់ខ្លួននោះ ក៏ដោយសារតែផ្ការំដួលមានក្លិនពិដោរក្រអូប ឈ្ងុយឈ្ងប់ គួរជាទីទាក់ទាញ អារម្មណ៍ របស់មហាជនទូទៅ និងផ្តល់នូវអត្ថប្រយោជន៍ច្រើនផងដែរនៅក្នុងសង្គមខ្មែរ។ ចាស់បុរាណខ្មែរតែងតែធ្វើការប្រដូចស្រីក្រមុំទៅនឹងផ្ការំដួល ក៏ព្រោះតែផ្ការំដួលមានរូបរាងស្រស់ស្អាតនិងមានក្លិនពិដោរក្រអូបឈ្ងុយឈ្ងប់ គួរជាទី ទាក់ទាញអារម្មណ៍ របស់មហាជនទូទៅ។ ក្រៅពីប្រដូចផ្ការំដួលទៅនឹងនារីខ្មែរតាមរយៈក្លិននោះក្នុងនោះផ្ការំដួលក៏ត្រូវបានកវីនិពន្ធខ្មែរ មួយចំនួន បានធ្វើការអត្ថាធិប្បាយរៀបរាប់ពីសម្រស់ល្អគន់ និងគុណសម្បត្តិរបស់ផ្ការំដួលតាមរយៈអត្ថន័យនៃបទចម្រៀងផងដែរ។ បច្ចុប្បន្នដើមផ្ការំដួលគេអាចរកមើលបាននៅតាមសួនច្បារមួយចំនួនក្នុងប្រទេសកម្ពុជា។ ក្រៅពីយកផ្ការំដួលតំណាងអោយ ប្រទេសកម្ពុជា ហើយនោះ ខាងមន្ទីរកសិកម្មក៏បានយកផ្កានេះតំណាងអោយវិស័យកសិកម្មផងដែរ។ ដូច្នេះប្រជាជនខ្មែរគ្រប់រូបពិសេស យុវវ័យខ្មែរទាំងអស់ ចូរចងចាំ និងធ្វើខ្លួនអោយមានក្លិនក្រអូប និងស្រស់ស្អាតដូចជាផ្ការំដួលដែលតំណាងអោយប្រទេសក៏ដូចជាខ្លួនផ្ទាល់។
ប្រាក់រៀល (រៀល) ជារូបិយប័ណ្ណផ្លូវការ ប៉ុន្តែប្រាក់ដុល្លាអាមេរិចក៏ត្រូវបានប្រើប្រាស់សម្រាប់ការទូទាត់ក្នុងទីផ្សារនៃព្រះរាជាណាចក្រកម្ពុជា។ មួយដុល្លាអាមេរិចអាចប្តូរបានក្នុងរង្វង់ បួនពាន់រៀល អាស្រ័យលើអាត្រាប្តូរប្រាក់ផ្លូវការ។
វ៉ុល: ២៣០ វ៉ុល
ប្រេកង់: ៥០ ហឺត
រូបភាព - រន្ធដោតថាមពល
វ៉ុលស្តង់ដារនៅក្នុងប្រទេសកម្ពុជាគឺ ២៣០ វ៉ាត់ហើយហ្វ្រេកង់មានកម្រិត 50Hz ។
អ្នកអាចទិញស៊ីមកាតនិងលេខទូរស័ព្ទនៅខាងក្រៅស្ថានីយមកដល់អាកាសយានដ្ឋានអន្តរជាតិភ្នំពេញឬពីហាងលក់ទូរស័ព្ទជាច្រើនកន្លែងនៅទូទាំងទីក្រុង។ លិខិតឆ្លងដែននិងទិដ្ឋាការមានសុពលភាពត្រូវបានទាមទារ។
ធនាគារនៅក្នុងប្រទេសកម្ពុជាផ្តល់ជូននូវរូបិយប័ណ្ណ និងអ្នកដំណើរសម្រាប់ការផ្លាស់ប្តូរប័ណ្ណឥណទានសេវាផ្ទេរប្រាក់តាមទូរស័ព្ទ និងសេវាកម្មធនាគារដ៏ទៀងទាត់។ ធនាគារភាគច្រើនបើកពីចន្លោះម៉ោង 8:00 ដល់ម៉ោង 3:00 រឺ 4:00 ល្ងាច ពីថ្ងៃច័ន្ទដល់ថ្ងៃសុក្រ និងទីតាំងមួយចំនួនបើកពីរចន្លោះម៉ោង 8:00 ព្រឹក ដល់ 8:00 យប់ ពេញមួយសប្តាហ៍ ។ មួយចំនួនបើកនៅព្រឹកថ្ងៃសៅរ៍រហូតដល់ម៉ោង 11:30 ព្រឹក។ ម៉ាស៊ីនអេធីអឹមដែលមានទីតាំងនៅទូទាំងទីក្រុងមានសកម្មភាព 24/7 ទទួលយក Visa និង MasterCard ។
ប័ណ្ណឥណទានដែលចេញដោយធនាគារក្នុងស្រុក ឬប័ណ្ណឥណទានដែលមានលក្ខណៈសកល (វីសាកាត ម៉ាស្ទ័រកា) អាចទូទាត់ថ្លៃទំនិញ សេវាកម្មផ្សេងៗ នៅតាមទីតាំងអាជីវកម្មនានាទូទាំងព្រះរាជាណាចក្រកម្ពុជា។
ការត្រួតពិនិត្យអ្នកដំណើរត្រូវបានទទួលយកនៅតាមធនាគារភាគច្រើនសណ្ឋាគារនិងអ្នកប្តូរប្រាក់មួយចំនួន។
ការផ្ទេរសាច់ប្រាក់ភ្លាមៗអាចធ្វើឡើងតាមរយៈ Western Union ឬ MoneyGram ។ ការផ្ទេរតាមទូរលេខធម្មតាអាចរកបាននៅគ្រប់ធនាគារទាំងអស់។
Visa on Arrival អាចទទួលបាននៅបញ្ជរទិដ្ឋាការនៅពេលមកដល់ព្រលានយន្តហោះអន្តរជាតិភ្នំពេញ។ ទោះជាយ៉ាងណាក៏ដោយសូមកត់សម្គាល់ថាមិនមែនគ្រប់អ្នកកាន់លិខិតឆ្លងដែនបរទេសទាំងអស់អាចដាក់ពាក្យសុំទិដ្ឋាការនៅពេលមកដល់បានទេ។ ដូច្នេះវាមានសារៈសំខាន់ណាស់ក្នុងការត្រួតពិនិត្យជាមួយស្ថានទូតរ៉ូយ៉ាល់កម្ពុជាដែលនៅជិតបំផុតសម្រាប់តម្រូវការទិដ្ឋាការជាក់លាក់សម្រាប់ប្រទេសដែលមានជាប់ពាក់ព័ន្ធ។
ប្រទេសកម្ពុជាមានមធ្យោបាយដឹកជញ្ជូន ៣ប្រភេទសំខាន់ៗដូចជា ផ្លូវគោក ផ្លូវទឹក និងផ្លូវអាកាសសម្រាប់ធ្វើដំណើរ និងដឹកជញ្ជូនទំនិញផ្សេងៗនៅក្នុងប្រទេស និងក្រៅប្រទេស។ ក្នុងនោះផងដែរ គេបែងចែកផ្លូវគោកជាពីរប្រភេទគឺ ផ្លូវថ្នល់ និង ផ្លូវដែក។ ដែលផ្លូវថ្នល់ទាំងអស់មានប្រវែង ៦០០០គ.ម ចែកជាផ្លូវជាតិ (២៨០០គ.ម) ផ្លូវខេត្ត (១២០០គ.ម)និងផ្លូវរុក្ខបាល (២០០០គ.ម)។ ផ្លូវក្រាលកៅស៊ូហើយមានប្រវែង ២០០០គ.ម ផ្លូវក្រាលថ្ម និងដីក្រហមមានប្រវែង ២០០០គ.ម សល់ពីនេះជាផ្លូវលំ។ ផ្លូវដែកប្រទេសកម្ពុជាយើងមាន ២ខ្សែ។ ខ្សែទី១ ចេញពីភ្នំពេញទៅអូរជ្រៅ មានប្រវែង ៣៨៥គ.ម និងខ្សែទី២ចេញពីភ្នំពេញទៅក្រុងព្រះសីហនុ មានប្រវែង ២៦៦គ.ម។ ផ្លូវដែកនៅប្រទេសយើងទាំងពីរខ្សែនេះមិនទាន់មានលក្ខណៈទំនើបនៅឡើយទេ។ ផ្លូវទឹកដែលសំខាន់គឺទន្លេមេគង្គ (ពីក្រចេះដល់សមុទ្រ) ទន្លេសាប បឹងទន្លេសាប ទន្លេបាសាក់ និងដៃនានា។ប្រទេសកម្ពុជាយើងមានកំពង់ផែភ្នំពេញដែលអាចឲ្យនាវាសមុទ្រចតបានសឹងគ្រប់រដូវ។ ក្រៅពីកំពង់ផែភ្នំពេញ កំពង់ផែកំពង់ចាម ក្រចេះ កំពង់ឆ្នាំង សៀមរាប...។ល។ កំពង់ផែក្រុងព្រះសីហនុ ជាកំពង់ផែអន្តរជាតិ អាចទទួលបាននាវាសមុទ្រធំៗចូលចតបានគ្រប់រដូវ។ ក្រៅពីនេះមានកំពង់ផែរាម ដែលប្រើប្រាស់សម្រាប់ជាមូលដ្ឋាននាវាចរណ៍កងទ័ពខេមរភូមិន្ទ។ កំពង់ផែកោះកុង សម្រាប់ទូកយន្ត និងនាវាតូចៗចត។ ការដឹកជញ្ជូនតាមផ្លូវអាកាស មានសកម្មភាពខ្លាំងក្លាជាលំដាប់។ អាកាសយាន្តដ្ឋានសំខាន់ៗនៃប្រទេសកម្ពុជាយើងគឺ អាកាសយាន្តដ្ឋានអន្តរជាតិភ្នំពេញ និង សៀមរាប។ ក្រៅពីនេះមានអាកាសយាន្តដ្ឋាននៅតាមទីរួមខេត្តនិងក្រុងជាច្រើនទៀតដូចជា បាត់ដំបង រតនៈគីរី មណ្ឌលគីរី ស្ទឹងត្រែង កោះកុង និង ក្រុងព្រះសីហនុ។ អាកាសយាន្តដ្ឋានអន្តរជាតិភ្នំពេញមានផ្លូវចុះប្រវែង ៣២០០ម ដែលយន្តហោះធន់ធ្ងន់គ្រប់ប្រភេទអាចចុះចតបាន។