សារមន្ទីរឧក្រិដ្ឋកម្មប្រល័យពូជសាសន៍ទួលស្លែង គឺជារមណីយដ្ឋានទេសចរណ៍ប្រវត្តិសាស្ត្រ ដែលមានទីតាំងស្ថិតនៅលើផ្លូវលេខ១១៣ សង្កាត់បឹងកេងកង៣ ខណ្ឌចំការមន រាជធានីភ្នំពេញ និងមានចំងាយប្រមាណជា៣គីឡូម៉េត្រ ពីរាជធានីភ្នំពេញ។
សារមន្ទីរឧក្រិដ្ឋកម្មប្រល័យពូជសាសន៍ទួលស្លែង ជាកន្លែងចងចាំពីព្រឹត្តិការណ៍នៃការសួរចម្លើយនិងឃុំឃាំងក្នុងមន្ទីរស‑២១ នាសម័យខ្មែរក្រហម។ សារមន្ទីរនេះ បានរក្សាទុកនិងបង្ហាញភស្ដុតាងនៃព្រឹត្តិការណ៍សោកនាដកម្មក្នុងប្រវត្ដិសាស្រ្ដកម្ពុជា ដើម្បីឲ្យសាធារណជនសិក្សាស្វែងយល់ក្នុងបំណងជម្រុញនិងលើកទឹកចិត្តឲ្យពួកគេក្លាយទៅជាអ្នកផ្សព្វផ្សាយសារសន្តិភាព។
ភ្ញៀវអាចចូលទស្សនារៀងរាល់ថ្ងៃ ចាប់ពីម៉ោង ៨:០០ នាទីព្រឹក ដល់ ៥:០០ នាទីរសៀល។
ជនជាតិខ្មែរ ឥតគិតថ្លៃ
ជនជាតិបរទេស (អាយុពី ១០ឆ្នាំ ដល់ក្រោម ១៨ឆ្នាំ) ៣ដុល្លារ (អាយុពី ១៨ឆ្នាំឡើង) ៥ដុល្លារ
មគ្គុទេសក៍សារមន្ទីរ៖ សេវាតាមការបរិច្ចាគមគ្គុទេសក៍សំឡេង៖ ខ្មែរ ១ដុល្លារ បរទេស ៣ដុល្លារ។
ភ្ញៀវទេសចរអាចធ្វើដំណើរមកកាន់រមណីយដ្ឋាននេះដោយធម្យោបាយធ្វើដំណើរដូចជា៖ រថយន្ត រថយន្តក្រុងសាធារណៈ ទោចក្រយានយន្ត និងត្រីចក្រយានយន្ត។
សារអេឡិចត្រូនិច info.tsgm@gmail.com / info@tuolsleng.gov.kh
ទូរស័ព្ទ ០២៣ ៦ ៥៥៥ ៣៩៥ / ០៧៧ ២៥២ ១២១
5 stars (0%)
4 stars (0%)
3 stars (0%)
2 stars (0%)
1 star (0%)