សហគមន៍ទេសចរណ៍ធម្មជាតិចំបក់ត្រូវបានបង្កើតឡើងក្នុងឆ្នាំ២០០២ ដែលមានទីតាំងភូមិសាស្ត្រ ស្ថិតនៅភូមិចំបក់ដង្គុម ឃុំចំបក់ ស្រុកភ្នំស្រួច ខេត្តកំពង់ស្ពឺ មានចំងាយផ្លូវប្រមាណជា ១១០ គ.ម ។

ភ្ញៀវ​ទេសចរ អាច​ធ្វើ​ដំណើរ​ពី​រាជធានី​ភ្នំពេញ តាម​បណ្ដោយ​ផ្លូវជាតិ​លេខ​៤ ត្រង់​គីឡូម៉ែត្រ​១៨៥ បទ​ស្ដាំ​ត្រង់​ត្រែង​ត្រ​យឹ​ង ផ្លូវ​ចូល​គិរី​រម្យ មាន​ចម្ងាយ​ប្រហែល​២០​គីឡូម៉ែត្រ លុះដល់​ជើងភ្នំ​គិរី​រម្យ​បត់​ស្កាំ​តាម​ផ្លូវ​ក្រួស​ក្រហម​ចម្ងាយ​ប្រហែល​៨ គីឡូម៉ែត្រ នោះ​យើង​នឹង​ទៅ​ដល់​សហគមន៍​អេកូ​ធម្មជាតិ ចំបក់ ។  

មុន​ចូល​ទៅ​ដល់​ទៅ​ដល់​កន្លែង​ទឹកធ្លាក់ ភ្ញៀវ​ទេសចរ ត្រូវ​ជិះ​រទេះគោ ឬ​ម៉ូតូឌុប ចម្ងាយ​ប្រហែល​ជាង​២​គីឡូ​ម៉​ត្រ បន្ទាប់​មក​ធ្វើ​ដំណើរ​ដោយ​ថ្មើរជើង​ឡើង​លើ​ភ្នំ ជា​ច្រើន​គីឡូម៉ែត្រ​ទៀត​ទើប​ទៅ​ដល់​កន្លែង​កម្សាន្ត​ជា​ច្រើន​ដែល​មាន​ចម្ងាយ​ផ្សេង​ៗ​គ្នា​។ ប្រសិនបើ​លោក​អ្នក​ចង់ទៅ​កម្សាន្ត​នៅ​ទី​នេះ គួរតែ​មក​ថ្ងៃ​ចុង​ស​ប្ដា​ហ៍ ឬ ថ្ងៃ​ថ្ងៃ​បុណ្យ​ជាតិ ព្រោះ​មាន​ភ្ញៀវ​ទៅ​ទស្សនា​ច្រើន នឹង​មាន​អ្នក​ភូមិ​យក​របស់របរ​ហូប​ចុក​ទៅ​លក់ ប៉ុន្តែ​បើ​ទៅ​ចំ​ថ្ងៃ ធ្វើការ​អាច​មិនឃើញ​មាន​ឡើយ ដូចនេះ​លោក​អ្នក​ត្រូវ​មាន ទឹក ឬ អាហារ ជាប់​តាម​ខ្លួន ព្រោះ​ផ្លូវ​ធ្វើ​ដំណើរ​នៅ​កណ្ដាល​ព្រៃ​ជ្រៅ​។ 

នៅទីនេះមានធនធានសម្រាប់បម្រើដល់វិស័យទេសចរណ៍ដូចជា៖ របាំប្រពៃណី ទស្សនាអន្លង់រ៉ត់ ដាំកូនឈើ ធ្វើវត្ថុអនុស្សាវរីយ៍ ធ្វើក្រឡាន ធ្វើអំបុក ទស្សនាសួនបន្លែជាមួយនឹងអ្នកភូមិ ទស្សនាទឹកធ្លាក់ចំបក់ ទស្សនាវាលស្រែ ព្រៃឈើ ទឹកធ្លាក់ រូងប្រជៀវ និងបោះជំរុំ។

សហគមន៍ក៏មានបម្រើសេវាកម្មដូចជា៖ អាហារដ្ឋាន ភោជនីយដ្ឋាន មគ្គុទ្ទេសក៍ ផ្ទះស្នាក់ ជួលកង់ ជួលម៉ូតូ ជួលរថយន្ត ជួលគោយន្ត រទេះគោ ។