សហគមន៍ទេសចរណ៍ទឹកធ្លាក់អន្លង់ស្វាយ ត្រូវបានបង្កើតឡើងនៅឆ្នាំ២០០៧ និងមានទីតាំងស្ថិតនៅក្នុងភូមិដូងស្លា ឃុំក្បាលទឹក ស្រុកទឹកផុស ខេត្តកំពង់ឆ្នាំង ហើយមានចំងាយផ្លូវប្រមាណជា ៥៩ គ.ម.ពីទីរួមខេត្ត តាមបណ្តោយផ្លូវជាតិលេខ៥។ នៅទីនេះមានប្រជាសហគមន៍ចំនួន៣៧២ គ្រួសារ ដែលពួកគេពឹងផ្អែកលើអនុផលព្រៃឈើស​ម្រាប់លក់ទៅឱ្យទេសចរ។

នៅទីនេះមានជាទឹកធ្លាក់ដែលហ៊ុមព័ទ្ធទៅដោយធនធានធម្មជាតិដ៏ស្រស់ស្អាត ព្រមជាមួយនឹងការបម្រើសេវាកម្មដូចជា៖ ការលេងទឹកកម្សាន្ត ការជិះរទេះគោ និងម៉ូតូ។