សហគមន៍ភូមិអណ្តែតទឹកកំពង់លួងមានទីតាំងស្ថិតនៅក្នុងឃុំកំពងលួង ស្រុកក្រគរ ខេត្តពោធិ៍សាត់ មានចម្ងាយ៣៧គីឡូម៉ែត្រពីទីរួមខេត្តពោធិ៍សាត់ និង១៥៩គីឡម៉ែត្រពីរាជធានីភ្នំពេញ។ ជាដំបូងយើងធ្វើដំណើរមកដល់ផ្សារក្រគរ មានផ្លូវបំបែកជាបួន រវាងផ្លូវជាតិលេខ៥និងលេខ៥៤ និងផ្លូវលេខ៥៣B ត្រង់ទីប្រជុំជនស្រុកក្រគរ និងត្រូវធ្វើដំណើរតាមផ្លូវជាតិលេខ៥៤ពីទីប្រជុំជនស្រុកក្រគរចំងាយ ៧គីឡូម៉ែត្រ។ បន្ទាប់មកត្រូវឆ្លងកាត ភូមិទី៤ សាលាឃុំកំពង់លួង និងអនុវិទ្យាល័យកំពង់លួងទើបទៅដល់មាត់ទឹក ដែលទីនោះមាន ទូកតូចធំនៅតំរៀបគ្នារង់ចាំដឹកទេសចរ និងដឹកទំនិញ ផ្សេងៗ ទៅផ្គត់ផ្គង់ជីវភាពអ្នករស់នៅលើភូមិបណ្តែតទឹក។
ទិដ្ឋភាពក្នុងភូមិ មានភូមិចំនួន៤នៅលើទឹក និង១ភូមិទៀតនៅលើគោក។ ភូមិលើទឹក មានភូមិទី១ ទី២ ទី៣ និងទី៥។ នៅក្នុងភូមិមានសេវាគ្រប់យ៉ាងដូចនៅលើគោកដែរដូចជា សេវាលក់ទំនិញ ហូបចុក ទំនិញប្រើប្រាស់ គ្រប់យ៉ាងលើលែងតែគ្រឿងយន្តធំៗ ។ មានវត្តខ្មែរ វត្តវៀតណាម ព្រះវិហាគ្រឹះសាសនា មានជនជាតិរស់នៅចម្រុះគ្នាមានខ្មែរ វៀតណាម ចាម ចិននិងមានមុខរបរចម្រុះដូចជានេសាទត្រី និងជួញដូរផ្សេងៗ
ទេសភាព ព្រៃរនាម ឬព្រៃលេចទឹក សត្វស្លាបចុះរកចំណី និងហិចហើរជាច្រើនប្រភេទ ទូកអ្នកនេសាទ ទេសភាពផ្ទៃទឹកទេសភាពភូមិបណ្តែតទឹកពេលយប់( ដូចជាទីក្រុងមួយដែលកំពុងអណ្តែតទឹក)។
ការបំរើសសេវាដឹកទេសចរ ក្នុងសហគមន៍នេះមានទូកចំនួន៣២ ( ទូកតូចចំណុះ៣ទៅ៦នាក់ ចំនួន២៧ទូក និងទូកធំចំណុះចាប់ពី៧ដល់៣០នាក់ ចំនួន៣ទូក) សម្រាប់ដឹងភ្ញៀវកម្សាន្តមើលទេសភាព និងជីវភាពរស់នៅរបស់អ្នកភូមិដោយកំណត់តម្លៃសេវាទូក ១៣ដុល្លា /មួយម៉ោង(ទូកតូច) ឬ២ដុល្លា /នាក់ /ម៉ោង (ទូកសាឡង់)។ ផ្ទះសំណាក់លើទឹក ( Homestay) មានចំនួន៣កន្លែង តម្លៃស្នាក់នៅ ៦ដុល្លា /ម៉ោង /នាក់ /យប់ និងបម្រើសេវាហូបចុកបែបសាមញ្ញៗផងដែរ ជាពិសេសគឺត្រីតែម្តង។