ទេសចរណ៍ធម្មជាតិ គឺជាប្រភេទមួយនៃទេសចរណ៍ដ៏មាននិរន្ដភាពដែលធ្វើអោយភ្ញៀវទេសចរអាចទទួលបាននូវបទពិសោធន៍ល្អៗ និងភាពសប្បាយរីករាយជាមួយធនធានធម្មជាតិ ធនធានវប្បធម៌តាមរយៈសកម្មភាពរៀបចំ និងការចូលរួមគ្រប់គ្រងដោយសហគមន៍មូលដ្ឋាន ហើយទេសចរណ៍ធម្មជាតិក៏ជាវិធីសាស្រ្ដមួយផងដែរសំរាប់ជួយប្រជាជនក្នុងការរកប្រាក់ចំណូលដើម្បីទ្រទ្រង់ជីវភាពរស់នៅរបស់ពួកគេ។ ប្រជាសហ-គមន៍នៅក្នុងឃុំព្រែកត្នោតទាំងមូលបានសហការ និងឯកភាពគ្នាបង្កើតនូវតំបន់ទេសចរណ៍ធម្មជាតិមួយដែលមានឈ្មោះថាព្រែកត្នោត ឬហៅតាមភាសាក្នុងតំបន់ «អន្លង់ធំ» ដែលគ្របដណ្ដប់នៅលើផ្ទៃដីចំនួន ១៧៧ហិកតា ជាដីព្រៃដែលប្រគល់ដោយឧទ្យានជាតិព្រះមុនីវង្ស «បូកគោ» ក្នុងគោលបំណងដើម្បីជួយថែរក្សាធនធានក្នុងតំបន់អោយមាននិរន្ដរភាព និងលើកកំពស់ជីវភាពរស់នៅរបស់ប្រជាជនមូលដ្ឋាន។
ឃុំព្រែកត្នោតមានទីតាំងភូមិសាស្រ្ដស្ថិតនៅក្នុងស្រុកទឹកឈូ ខេត្តកំពត មានចម្ងាយ៣០គីឡូម៉ែត្រពីទីរួមខេត្តកំពត តាមផ្លូវជាតិលេខ៣ តាមផ្លូវឆ្ពោះមកកាន់ឧទ្យានជាតិព្រះមុនីវង្ស «បូកគោ» និងចម្ងាយ៧៥គីឡូម៉ែត្រពីខេត្តព្រះសីហនុ តាមបណ្ដោយផ្លូវជាតិលេខ៤ កាត់ត្រង់ចំនុចផ្លូវបំបែកវាលរេញ។ ឃុំព្រែកត្នោតមានផ្ទៃដីសរុបចំនួន ២០០៦ហិកតា និងគ្របដណ្ដប់ដោយភូមិ៤គឺៈ ភូមិចង្ហោន ព្រែកត្នោត ព្រែកក្រែង និង ត្រពាំងរពៅ។
មានចម្ងាយ៣០គីឡូម៉ែត តាមបណ្ដោយផ្លូវជាតិលេខ៣ (កំពត-ព្រះសីហនុ)
ទំនាក់ទំនងតាមរយៈ 098 444 085/ 085 844 486
អ៊ីម៉េលៈ narariddh.simrpe.mot@gmail.com
Facebook: មន្ទីរទេសចរណ៍ខេត្ដកំពត Department of Kampot Tourism Cambodia
Youtube: Kampot Department of Tourism
Website: www.kampottourism.gov.kh
5 stars (0%)
4 stars (0%)
3 stars (0%)
2 stars (0%)
1 star (0%)