ភ្នំទ្រុងមាន់ទ្រុងទា គឺជារមណីយដ្ឋានធម្មជាតិមួយស្ថិតនៅជិតនឹងភ្នំសំពៅ ដែលមានភាពទាក់ទាញយ៉ាងខ្លាំងតាមរយៈទេសភាពដ៏ស្រស់ត្រកាល មានរុក្ខជាតិតូចធំដុះដេសដាស រួមជាមួយវត្តមួយមានការដាំផ្កាលម្អ បរិស្ថានល្អបរិសុទ្ធធ្វើឱ្យទីនេះជាប់ចិត្តភ្ញៀវទេសចរយ៉ាងច្រើនទៅសម្រាកកម្សាន្ត។ នៅក្នុងតំបន់នេះជាពិសេសបានក្នុងរដូវវស្សាធម្មជាតិស្រស់បំព្រង​ដែលជាទីគយគន់សម្រាប់ភ្ញៀវទេសចរដែលចូលចិត្តបរិយាកាសបែបធម្មជាតិ និងខ្យល់អាកាសបរិសុទ្ធ។ ភ្នំទ្រុងមាន់ទ្រុងទា មានចម្ងាយប្រហែល 16គីឡូម៉ែត្រ ពីទីរួមខេត្តបាត់ដំបង ដោយយើងធ្វើដំណើរចេញពីទីរួមខេត្តបាត់ដំបង ឆ្ពោះទៅផ្លូវជាតិលេខ 57​ រួចធ្វើដំណើរទៅត្រង់ប្រហែល​ 13គីឡូម៉ែត្រ ទើបបត់ស្តាំរួចបន្តដំណើរបន្តិចនឹងទៅដល់ភ្នំទ្រុងមាន់ទ្រុងទា។