ប្រាសាទជ្រៃ ជារមណីយដ្ឋានបែបប្រវត្តិសាស្រ្តនិងវប្បធម៌ដែលមានសក្ដានុពលខាងវិស័យទេសចរណ៍ដែលអាចទាក់ទាញភ្ញៀវទេសចរដែលមកកម្សាន្តមានអារម្មណ៍ស្រស់ស្រាយ ហើយមានលក្ខណៈពិសេសរបស់ប្រាសាទគឺសាងសងពីឥដ្ឋបុរាណនិងមានដើមជ្រៃដុះចាក់ឫសរុំព័ទ្ធជុំវិញប្រាសាទមើលទៅគួរឱ្យចង់គយគន់ណាស់។ ប្រាសាទជ្រៃ មានចម្ងាយប្រហែល32.5គីឡូម៉ែត្រពីទីរួមខេត្តកំពង់ធំ ដោយចេញពីទីរួមខេត្តតាមផ្លូវជាតិលេខ6 និងតាមផ្លូវលេខ62 ចម្ងាយប្រហែល16.5គីឡូម៉ែត្រ រួចបត់ស្ដាំតាមផ្លូវលេខ219 ប្រហែល14.5គីឡូម៉ែត្រ នៅខាងឆ្វេងដៃ។