ប្រាសាទល្អាងភ្នំឈ្ងោក ជាប្រាសាទមួយដែលស្ថិតនៅក្នុងល្អាងភ្នំ ត្រូវបានកសាងឡើងក្នុងសម័យអន្តរកាលរវាងនគរភ្នំ និងចេនឡា ឆ្នាំ617 ដើម្បីឧទ្ទិសថ្វាយដល់ព្រះសិវៈនៃព្រហ្មញ្ញសាសនា។ យើងត្រូវដើរឡើងតាមជណ្ដើរថ្មល្បាក់ 200 កាំឡើងទៅលើភ្នំ និងចុះចំណោតចូលល្អាងដំរីធំ ជាទីតាំងដែលប្រាសាទស្ថិតនៅ។ ប្រាសាទនេះសង់ពីឥដ្ឋ និងបានកសាងឡើងនៅក្នុងរូងភ្នំដែលស្ថិតនៅខ្ពស់ពីដីយ៉ាងហោចណាស់ក៏ 40ម៉ែត្រដែរ។ មានលិង្គថ្មធម្មជាតិមួយដុះចេញពីបាតភ្នំ និងមួយទៀតដុះចេញពីពិតានល្អាងទល់គ្នា ស្ថិតនៅចំកណ្តាលប្រាសាទ ដែលជាទីសក្ការៈដ៏ស័ក្តិសិទ្ធនៃប្រជាជនក្នុងតំបន់ និងភ្ញៀវទេសចរផងដែរ។
5 stars (0%)
4 stars (0%)
3 stars (0%)
2 stars (0%)
1 star (0%)