កោះអូន ជាកោះមួយដែលមានទេសភាពស្រស់ស្អាត ព្រៃឈើស្រស់ល្អគួរឲ្យចង់គយគន់ ទឹកសមុទ្រថ្លាខៀវស្រងាត់ ដែលបានរំលេចនូវទេសភាពដ៏ទាក់ទាញ ព្រមទាំងមានសកម្មភាពជាច្រើនសម្រាប់ភ្ញៀវទេសចរកម្សាន្ត ហើយមាន​ការប្រើ​នាវា​ដែលមាន​ល្បឿន​លឿន និងធានា​សុវត្ថិភាព​ខ្ពស់​បំផុត​។ ចំណុច​ពិសេស​បន្ថែមមួយទៀតគឺ ​នៅ​ក្នុងផ្ទះ​វីឡាដ៏ប្រណីត​នៅលើ​កោះ​នេះ គឺមាន​អាង​ហែល​ទឹក ស្ប៉ា-ម៉ាស្សា និងមាន​ប្រព័ន្ធអ៊ិនធ័រណេតល្បឿនលឿន ​ជាពិសេសក៏មាន​សេវាកម្មរៀបចំពិធីរៀបអាពាហ៍ពិពាហ៍ និង​ការ​មុជទឹក​មើល​ផ្កាថ្ម ដែលកំពុង​ទាក់ទាញភ្ញៀវទេសចរឱ្យទៅទស្សនាកាន់តែច្រើនឡើងៗ។