ប្រាសាទព្រៃដើមស្រុក-ចុងស្រុក គឺជាប្រាសាទបុរាណមួយដែលសាងសង់ឡើងពីឥដ្ឋ និងថ្មភក់កសាងឡើងនៅសតវត្សទី7។ ប្រាសាទនេះមានដើមពោធិ៍ធំមួយដុះពីលើ ព្រមទាំងមានដើមឈើធំៗជាច្រើន ដុះព័ទ្ធជុំវិញដែលផ្ដល់ជាម្លប់យ៉ាងត្រជាក់គ្របពីលើតួប្រាសាទ និងជាម្លប់ដល់ភ្ញៀវទេសចរដែលទៅទស្សនាប្រាសាទនេះ។ ភាគច្រើនប្រជាជនដែលបានទៅដល់ប្រាសាទនេះតែងគោរពបូជា បន់ស្រន់សុំសេចក្តីសុខផ្សេងៗ។