រមណីយដ្ឋានថ្មរូង ជាតំបន់ទេសចរណ៍ធម្មជាតិមួយដែលមានប្រភពទឹកមកពីតំបន់ភ្នំក្រវាញ។ រមណីយដ្ឋានថ្មរូង នៅក្ដៅ មាន​ទេស​ភាព​ហាក់​​ក្រៀម​ក្រោះ​បន្តិច ព្រោះ​តែ​ទឹក​ហូរ​តិច​តួច ប៉ុន្តែ​បើ​​នៅ​រដូវ​វស្សា​វិញ គឺមាន​​ធម្ម​ជាតិ​​ស្រស់​ខៀវខ្ចី អម​ដោយ​ភ្នំ​ព្រឹក្ស​ព្រៃ​ព័ទ្ធ​ជុំវិញ ​ទឹក​ជ្រោះ ទឹក​អូរ​ហូរ​ខ្លាំងៗ បែក​ផ្កា​ត្រែង​ បង្ក​សំឡេង​​យ៉ាងពិរោះរណ្ដំ ដែលធ្វើឱ្យភ្ញៀវទេសចរដែលបានទៅកម្សាន្ដនៅទីនោះមានអារម្មណ៍ស្រស់ស្រាយ បាត់អស់ទុក្ខកង្វល់ទាំងឡាយ។