ប្រាសាទកោះកែរ បានកសាងឡើងក្នុងរជ្ជកាលព្រះបាទជ័យវរ័្មនទី ៤ ឧទ្ទិសថ្វាយព្រះឥសូរតាមបែបព្រហ្មញ្ញសាសនា។ ប្រាសាទនេះពីដើមឈ្មោះឆកគគីរ ឬផៃ្ទដីគោកគគីរ សព្វថៃ្ងហៅថា អតីតរាជធានីកោះកែរ មានទំហំផៃ្ទដី១៦X១៦គីឡូម៉ែត្រ រួមមាន៩៨ប្រាសាទ។ ប្រាសាទនេះមាន៧ជាន់ មានកម្ពស់៣៥ម៉ែត្រ ដែលកសាងឡើងតាំងពីសម័យបុរាណ ទុកសម្រាប់ជាការគោរពបូជា តាមលទ្ធិព្រហ្មញ្ញសាសនា ផងដែរ។ ប្រាសាទកោះកែរជារមណីយដ្ឋានទេសចរណ៍បែបវប្បធម៌ប្រវត្តិសាស្រ្ត រមណីយដ្ឋាននេះមានទីតាំងស្ថិតនៅក្នុងភូមិស្រយោង ឃុំស្រយោង ស្រុកគូលែង ដែលមានចំងាយប្រមាណជា ២២គីឡូម៉ែត្រ ពីទីរួមខេត្តព្រះវិហារ នៅទីនេះ ភ្ញៀវទេសចរអាចមកសិក្សាស្រាវជ្រាវប្រវត្តិដ៏អស្ច្យារ​ មើលចម្លាក់ក្បាប់លើជញ្ជាំង និងទេសភាពដ៏ស្រល់ត្រកាល។