ខេត្តកំពង់ស្ពឺស្ថិតនៅខាងលិចទីក្រុងភ្នំពេញហើយនៅជិតច្រកចូលទីក្រុងភ្នំពេញបំផុត ហើយក៏ជាខេត្តមួយត្រូវបានគេមើលរំលង ប៉ុន្តែជាកន្លែងពិសេសមួយដែលមិនសូវមានចរាចរណ៍ស្មុគស្មាញ។
កំពង់ស្ពឺជាខេត្តល្បីល្បាញពីការផលិតស្ករត្នោតដែលមានគុណភាពល្អបំផុតនៅក្នុងប្រទេសកម្ពុជា។ ខេត្តនេះក៏ផលិតទឹកត្នោតជូរ និងស្រាទឹកត្នោតជាច្រើនផងដែរ។ ភ្នំឱរ៉ាល់ជាភ្នំខ្ពស់ជាងគេបំផុតដែលមានទីតាំងនៅព្រំដែនខេត្តដូចជា កណ្ដាល កោះកុង ពោធិ៍សាត់ តាកែវ និងកំពង់ឆ្នាំង។ ភ្នំនេះមានកម្ពស់១៨១៣ម៉ែត្រពីនីវោទឹកសមុទ្រ។ “ក្រុងច្បារមន ” ស្ថិតនៅក្នុងខេត្តកំពង់ស្ពឺមានព្រំប្រទល់ខាងជើងទល់នឹងឃុំខ្ទុំត្រាំង និងឃុំព្នាយ ស្រុកសំរោងទងខាងត្បូងទល់នឹងឃុំស្គុះ ស្រុកសំរោងទងខាងកើតទល់នឹងឃុំវល្លិស ស្រុកសំរោងទងខាងលិចទល់នឹងឃុំកាហែង និងឃុំធម្មតាអរ ស្រុកសំរោងទង។ មានក្រឡាផ្ទៃដីសរុប៖៨១,៤៤ គម២មាន ០៥ សង្កាត់ រួមមាន សង្កាត់រកាធំ, សង្កាត់ច្បារមន, សង្កាត់ស្វាយក្រវ៉ាន់, សង្កាត់សុព័រទេព សង្កាត់ កណ្តោលដុំមានប្រជាជន ៤៨.០៤៩ នាក់ ត្រូវជា ១០.៦០៣ គ្រួសារប្រជាជនភាគច្រើនប្រកបរបរជា កសិកម្ម សេវាកម្ម ឧស្សាហកម្ម និងមន្ត្រីរាជការ