ទីតាំងប្រវត្តិទុំទាវ ជារឿងរាវកើតឡើងនៅក្នុងរាជ្យព្រះបរមិន្ទរាជា ដែលមានរាជធានីនៅលង្វែក ហើយសោយរាជ្យពីឆ្នាំ1567 ដល់1576។ សព្វថ្ងៃនេះយោងតាមសំដីអ្នកស្រុកបាននិយាយតៗគ្នា ថាដើមពោធិ៍ “ទុំ” នៅម្ខាងផ្លូវជាតិលេខ7 និងដើមពោធិ៍ “ទាវ” នៅទល់មុខគ្នាចម្ងាយប្រហែល400ម៉ែត្រ។ បច្ចុប្បន្ននេះដើមពោធិ៍ “ទុំ” អ្នកស្រុកបានធ្វើខ្ទមមួយនៅក្រោមដើមពោធិ៍ និងមានរូបសំណាករូបអ្នកតា ហើយក៏ដាក់ឈ្មោះថា “ផ្ទះលោកតាក្រហម ក” ។ ចំណែកឯដើមពោធិ៍ “ទាវ” វិញគេបានសង់ខ្ទមមួយដែរ ហើយបានដាក់តម្កល់រូបយាយផាន់ និងនាងទាវ។