រមណីយដ្ឋានភ្នំកំពង់ត្រាច ជា​រមណីយដ្ឋាន​ប្រវត្តិសាស្ត្រ​មួយ​របស់​ទឹកដី​ខេត្តកំពត​ដែល​ប្រជាជ​ខ្លះ​ហៅថា «ភ្នំ​បាក់» ដោយសារតែ​ភ្នំ​នោះ​មាន​លក្ខណៈ​ខុសប្លែក​ពី​ភ្នំ​ដទៃ​ត្រង់​នៅ​ចំ​កណ្តាល​ភ្នំ​មាន​វាល​ធំ​ដែលមាន​ពន្លឺ​ថ្ងៃ​ចាំង​ចូល ដែល​ហាក់​ប្លែក​ពី​ល្អាង​ធម្មតា។​ រមណីយដ្ឋាននេះ​មាន​ល្អាង​មួយ​មាន​​អង្កត់​ផ្ចិត (វិជ្ឈមាត្រ) ​ប្រមាណ​ជា 30ម៉ែត្រ ហើយ​ដី​នៅ​ទីនោះ​មាន 7ពណ៌​ផ្សេងគ្នា ព្រមទាំង​មាន​ល្អាងតូច4ថែមទៀត ដោយ​ល្អាង​ខ្លះ​មាន​កាំជណ្តើរ​ឡើង​កម្ពស់​ប្រមាណ 4ម៉ែត្រ និង​មាន​ថ្ម​ដែល​ដុះ​ចេញ​ដូច​ទៅនឹង​រូប​សត្វផ្សេងៗ។ ភ្នំ​កំពង់ត្រាច​មាន​បរិមាត្រ​ប្រមាណ​ជា 4គីឡូម៉ែត្រ និង​កម្ពស់​ប្រមាណ​ជា200ម៉ែត្រ ហើយ​ក្បែរ​ភ្នំ​នោះ​ក៏មាន​វត្ត​មួយ​ហៅថា «វត្ត​គិរី​សិ​សា» ហើយកំពុងតែទាក់ទាញអ្នកទេសចរទាំងទីជិតទីឆ្ងាយមកលេងកម្សាន្ត និងគោរពបូជាកន្លែងដ៏ស័ក្តិសិទ្ធ។