ភ្ញៀវអាចធ្វើដំណើរតាមដងទន្លេមេគង្គត្រើយខាងលិច  ខាងត្បូងទីរួមខេត្ត ចម្ងាយប្រមាណ៤៥គីឡូម៉ែត្រ ដើម្បីចូលទៅដល់ជើងភ្នំ ត្រូវធ្វើដំណើរតាមផ្លូវក្រាលគ្រួសក្រហម៨០០ម៉ែត្រ ពីផ្លូវធំ រួចបន្តឡើងតាមជណ្តើរថ្មប្រហែល៨០០កាំទើបទៅដល់កំពូលភ្នំ  នៅលើកំពូលភ្នំមានវិហារបុរាណ មានកុដិ ខ្ទមតាជីយាយជី និងសាលាសំណាក់ ។ យើងអាចមើលទេសភាពពីលើកំពូលភ្នំឃើញ វាលស្រែបន្លែដំណាំ ដងទន្លេមេគង្គ និងផ្ទះប្រជាជននៅជើងភ្នំ និងមានរឿងដំណាលពាក់ព័ន្ធនឹងក្រពើសុពណ៌កាឡី ភ្ជាប់នឹងរឿងក្រពើនេនធនសសរ១០០ផងដែរ។