ទឹកធ្លាក់អូរជាំ គឺជារមណីយដ្ឋានធម្មជាតិមួយដែលស្ថិតនៅប៉ែកខាងលិចឈៀងខាងត្បូងទីរួមខេត្តបាត់ដំបងមានចម្ងាយ៨០ គឺឡូម៉ែត្រពីទីរួមខេត្ត ស្ថិតនៅក្នុងភូមិអូរជាំ ឃុំកំពង់ល្ពៅ ស្រុកសំឡូត ខេត្តបាត់ដំបង ។​ ភ្ញៀវទេសចរអាចធ្វើដំណើរតាមផ្លូវជាតិលេខ ៥៧ ទៅកាន់ស្រុកសំឡូត ហើយទៅកាន់ទឹកធ្លាក់តែម្តង ។ ទឹកធ្លាក់អូរជាំត្រូវបានរកឃើញក្នុងឆ្នាំ២០០៣ ដោយប្រជាជនដែលរស់នៅទីនោះ ។ ដល់ឆ្នាំ២០០៤ ក៍មានប្រជាជនចូលទៅលេង ទីនោះតែឃើញរឿងចំលែកមួយ គឺទឹកឆ្លាក់ដែលមើលឃើញនោះថតមិនជាប់ បើតាមជំនឿរបស់ប្រជាជននៅទីនោះ គាត់ថា ទឹកឆ្លាក់នោះមានអ្នកតាកាន់ ។  រហូតដល់ចុងឆ្នាំ២០១៣ មានមន្រ្តីបរិស្ថាន និងសហគមន៍មួយឈ្មោះ សហគមន៏តំបន់ការពារធម្មជាតិអូរជាំបានសហការគ្នារៀបចំផ្លូវចូលទៅក្នុងរមណីដ្ឌានទឹកធ្លាក់អូជាំនេះ។ ទឹកធ្លាក់នេះមានកំពស់ ៣០​ម៉ែតដែលហ៊ុំព័ទ្ធដោយផ្ទាំងថ្មធំៗ និងមានត្រពាំងមួយដែលជាប្រភពទឹកហូរមកកាន់ទឹកធ្លាក់នេះ។ផ្លូវឡើងទៅកាន់រមណីយដ្ធានមានលក្ខណះពិសេសជាច្រើនដូចជា មានព្រៃព្រឹក្សា ជ្រលងដងអូរ ផ្ទាំងថ្ម និងទឹកធ្លាក់ជាបណ្ដាក់ៗចាប់ពីជើងភ្នំរហូតដល់កំពូលភ្នំដែលបង្កលក្ខណះអោយសប្បាយដល់ភ្ញៀវទេសចរសចរមកទស្សនា។