រមណីយដ្ឋានទេសចរណ៍ ផ្ទះតាម៉ុក ជារមណីយដ្ឋានបែបប្រវត្ដិសាស្រ្ដ ដែលជាផ្ទះអតីតសមាជិក អចិន្ត្រៃយ៍ របស់គណមជ្ឈិមបក្សខ្មែរក្រហម ក្នុងសម័យកម្ពុជាប្រជាធិបតេយ្យ។ លក្ខណៈពិសេសនៃផ្ទះតាម៉ុកដែលធ្វើឱ្យភ្ញៀវទេសចរចាប់អារម្មណ៍នោះគឺ សសរផ្ទះសាងសង់ឡើងពីដើមឈើធំៗ នៅតាមជញ្ជាំងមានតាំងផែនទីប្រទេសកម្ពុជា ដែលគូរដោយដៃ 1ផ្ទាំង ផ្ទាំងគំនូរសត្វក្នុងព្រៃ គំនូរប្រាសាទព្រះវិហារ និងប្រាសាទអង្គរវត្តជាដើម ដែលគេគូរជាប់នឹងជញ្ជាំងតែម្ដង។ ក្រៅពីគំនូរនៅលើជញ្ជាំង គេឃើញមានឡានចាស់ទ្រុឌទ្រោម 1គ្រឿង ដែលគេចោលហាលថ្ងៃហាលភ្លៀង។ ឡាននេះ បំពាក់ផ្លាកថា ឡានវិទ្យុផ្សាយសំឡេងរបស់ ប៉ុល ពត។ រីឯនៅចំហៀងម្ខាងទៀត មានទ្រង់ដែកធំ 1 នោះគឺជាគុកដាក់អ្នកទោសរបស់តាម៉ុក។
រមណីយដ្ឋានទេសចរណ៍ ផ្ទះតាម៉ុក មានចម្ងាយប្រមាណ 5គីឡូម៉ែត្រ ពីទីរួមខេត្ដឧត្ដរមានជ័យ ដោយធ្វើដំណើរចេញពីសាលាខេត្ដតាមផ្លូវភ្លោះឆ្ពោះទៅរង្វង់មូលព្រះបាទជ័យវរ្ម័នទី7 រួចអ្នកត្រូវបត់ឆ្វេងទៅត្រង់តាមផ្លូវជាតិលេខ 68 ប្រហែល 17.5គីឡូម៉ែត្រ រួចបត់ស្ដាំតាមផ្លូវកៅស៊ូទៅត្រង់ប្រហែល 53គីឡូម៉ែត្រ រួចអ្នកត្រូវបត់ស្ដាំទៅត្រង់ប្រហែល 300ម៉ែត្រ អ្នកនឹងឃើញផ្លាកសរសេរថា រមណីយដ្ឋានទេសចរណ៍ ផ្ទះតាម៉ុក បន្ទាប់មកអ្នកត្រូវបត់ចូលទៅតាមច្រកនោះប្រហែល 350ម៉ែត្រ អ្នកនឹងឃើញរមណីយដ្ឋានទេសចរណ៍ ផ្ទះតាម៉ុក។យើងអាធ្វើដំណើរតាម៖
5 stars (0%)
4 stars (0%)
3 stars (0%)
2 stars (0%)
1 star (0%)