ភ្នំប្រសិទ្ធត្រៃត្រឹង្សជារមណីយដ្ឋានបែបប្រវត្តិសាស្ត្រ និងធម្មជាតិ។ ភ្នំប្រសិទ្ធត្រៃត្រឹង្ស ស្ថិតនៅក្នុងភូមិតាពេជ ឃុំឈ្វាំង ស្រុកពញ៉ាឭ ដែលមានចំងាយប្រមាណជា ៣៧គីឡូម៉ែត្រពីទីរួមខេត្តកណ្តាល។ ភ្នំប្រសិទ្ធត្រៃត្រឹង្សជាទីអារាម ដែលមានព្រះពុទ្ធនិពាន្តផុសចេញតាមចង្កេះភ្នំ សម្រាប់ជាទីគោរពប្រណិបត្តិរបស់ពុទ្ធសាសនិកជន។ ក្រៅពីនេះ ភ្ញៀវទេសចរអាចធ្វើការកម្សាន្តសប្បាយជាមួយនឹងទេសភាពបែបធម្មជាតិ និងថតរូបកម្សាន្តផងដែរ។