ភ្នំប្រសិទ្ធ ឬប្រាសាទភ្នំបាសិទ្ធ ជារមណីយដ្ឋានទេសចរណ៍បែបវប្បធម៌ប្រវត្ដិសាស្រ្ដ និងធម្មជាតិមួយកន្លែងដែលទាក់ទាញភ្ញៀវទេសចរជាតិ និងអន្ដរជាតិឱ្យមកទស្សនាយ៉ាងច្រើនកុះករពីមួយឆ្នាំទៅមួយឆ្នាំ។ នៅលើកំពូលភ្នំ មានរូបបដិមាជាច្រើន ក្នុងនោះគេឃើញមានរូបបដិមាមួយអង្គ ធ្វើអំពីថ្ម មានបណ្តោយប្រវែង 24ម៉ែត្រ ហើយព្រះភ័ក្ត្ររបស់ព្រះអង្គ ត្រូវបានបែកបាក់នៅសម័យខ្មែរក្រហម និងត្រូវបានធ្វើសាជាថ្មីឡើងវិញនៅឆ្នាំ 1986។ លើសពីនេះទៅទៀត នៅលើកំពូលភ្នំនេះផងដែរក៏មាននៅសល់ប្រាសាទបុរាណមួយមុនសម័យអង្គរដែរ។ ចំពោះស្ថាបត្យកម្មនៃប្រាសាទនេះវិញ មានតួប៉មប្រាសាទសង់អំពីឥដ្ឋតាន់ ដែលមានផ្តែរទ្វារធ្វើអំពីថ្មភក់ កសាងឡើងដោយព្រះបាទឥសានវរ្ម័នទី1 ក្នុងសតវត្សទី7 ស្ថិតក្នុងរចនាបថសំបូរព្រៃគុក។ នៅគ្រប់ជ្រុងនៃប្រាសាទ មានលម្អដោយរូបចម្លាក់ប្រាសាទអណ្តែត ដែលនៅក្នុងប្រាសាទអណ្តែតនោះ មានរូបទេវៈបីអង្គ គឺព្រះសិវគង់នៅកណ្តាលស្រ្តីពីរនាក់គឺ នាងឧមា និងព្រះម៉ែ
គង្គា។
5 stars (0%)
4 stars (0%)
3 stars (0%)
2 stars (0%)
1 star (0%)