វត្តអង្គរជ័យ ជាបូជនីយដ្ឋានដែលមានទីតាំងនៅជាប់មាត់ព្រែក។ មានការច្នៃនិងជួសជុលបន្ថែមនូវព្រះវិហារ និងសួនច្បារជុំវិញវត្ត ​គេជឿថាវត្តនេះមាន​បារមី​ខ្លាំងពូកែ​ស័​ក្ត​សិទ្ធ​ហើយប្រជាជនដែលមានជំនឿ គឺតែងទៅស្រោចទឹករំដោះគ្រោះ ឬបួងសួងសុំសេចក្តីសុខជាដើម។ ទីនេះ មានស្រះទឹកមួយដែលចិញ្ចឹមត្រី រាប់រយក្បាលនៅក្នុងនោះ គេធ្វើជាស្ពានថ្ម ដែល អាចដើរកាត់ស្រះនេះបាននិង ខ្ទមប្រក់ស្បូវមួយនៅ ចំកណ្តាលស្រះ។ នៅពេលមាន ភ្ញៀវចូលទៅកាន់វត្តនេះ គឺគេតែងឈាងចូលទៅឱ្យចំណីដល់ត្រីទាំងនោះ។ ជាពិសេស នៅក្នុងវត្តនេះមានប្រាសាទមួយដែលមានកំពូល​5 និងមានក្បាច់រចនាយ៉ាងល្អប្រណិត ។ ​ បន្ថែមលើសពីនេះទៀត ព្រះវិហារ​ដែលទើប​តែសង់ថ្មីនៅវត្ត​​នេះក៏មានសម្រស់ស្អាតយ៉ាងត្រចះត្រចង់ ផងដែរ។