រមណីយដ្ឋាន បងប្អូនសិត្បូ ជារមណីយដ្ឋានកែច្នៃបែបធម្មជាតិមួយកន្លែងដែលមានទីតាំងនៅជាប់មាត់ទន្លេ ដែលផ្តល់ខ្យល់អាកាសបរិសុទ្ធ និង​ មាន​ដើមឈើ​ដុះ​ព័ទ្ធ​ជុំជិត​​ត្រឈឹង​ត្រឈៃយ៉ាងត្រជាក់ សម្រាប់ឳ្យភ្ញៀវ​ ​អាច​សម្រាក​គយគន់​សម្រស់​ធម្មជាតិ​ដុះ​អម​ច្រាំង​ទន្លេ មើល​ផ្ទៃ​ទឹក​ និងសួនផ្កា ក៏ដូចជាសួនដំណាំផងដែរ។ លើសពីនេះទៅទៀត រមណីយដ្ឋានក៏មានជា តូបស្បូវសម្រាប់ភ្ញៀវទេសចរអង្គុយលេងនិង ទទួលទានអាហារសរីរាង្គ​ស្រស់ៗ​បែបស្រុកស្រែ មានកន្លែងស្ទូចត្រីកម្សាន្ត ថែមទាំងមានអាងហែលទឹកសម្រាប់មនុស្សធំ និងកូនក្មេងផងដែរ។