ស្ថានីយ​បុរេ​ប្រវត្តិសាស្រ្តល្អាងស្ពានល្អាងទាក់ទ្រាំង គឺ​មាន​អាយុកាល​ចំណាស់​ជាងគេ​បំផុត​នៅកម្ពុជាប្រមាណជា 7ម៉ឺនឆ្នាំមកហើយ ដែលក្រុមការងារខាងកំណាយបានកាយរកឃើញសម្ភារៈពីសម័យបុព្វកាល ហើយល្អាងមានសភាពត្រជាក់ស្ងប់ស្ងាត់ផងដែរ។ ស្ថានីយបុរេប្រវត្តិសាស្រ្តល្អាងស្ពានល្អាងទាក់ទ្រាំង មានចម្ងាយប្រហែល 45គីឡូម៉ែត្រ ពីទីរួមខេត្តបាត់ដំបង ដោយត្រូវធ្វើដំណើរតាមផ្លូវជាតិលេខ57 នៅខាងស្ដាំដៃ ឆ្ពោះទៅកាន់ស្រុករតនមណ្ឌល។