ប្រាសាទអាស្រមមហាឫសី ជារមណីយដ្ឋានបែបប្រវត្តិសាស្រ្ត និងវប្បធម៌ដែលមានសក្ដានុពលខាងវិស័យទេសចរណ៍ដែលអាចទាក់ទាញភ្ញៀវទេសចរមកទស្សនាពីលក្ខណៈពិសេសរបស់ប្រាសាទគឺមានរាងបួនជ្រុងសាងសង់ថ្មភក់។ ប្រាសាទប្រាសាទអាស្រមមហាឫសី មានចម្ងាយប្រហែល 38.5គីឡូម៉ែត្រពីទីរួមខេត្តកំពង់ធំ ដោយចេញពីទីរួមខេត្តតាមផ្លូវជាតិលេខ 6 ប្រហែល 6គីឡូម៉ែត្រ រួចទៅមុខត្រង់ជិះតាមផ្លូវលេខ62 ចម្ងាយប្រហែល10.5គីឡូម៉ែត្រ រួចបត់ស្ដាំតាមផ្លូវលេខ219 ប្រហែល 14គីឡូម៉ែត្រ នៅខាងឆ្វេងដៃ ក្បែរនិងផ្លូវទៅប្រាសាទសំបូរព្រៃគុក។