ប្រាសាទតោ ជារមណីយដ្ឋានបែបប្រវត្តិសាស្រ្តនិងវប្បធម៌ដែលមានសក្ដានុពលខាងវិស័យទេសចរណ៌ដែលអាចទាក់ទាញភ្ញៀវទេសចរជាច្រើនមកទស្សនាពីលក្ខណៈពិសេសរបស់ប្រាសាទគឺមានតោថ្មមួយគូរអង្គុយយាមនៅមុខប្រាសាទ និងមានដើមឈើព័ទ្ធជុំវិញប្រាសាទដែលជាម្លប់ត្រឈឹងត្រឈៃ។ ប្រាសាទតោ មានចម្ងាយប្រហែល33.5គីឡូម៉ែត្រពីទីរួមខេត្តកំពង់ធំ ដោយចេញពីទីរួមខេត្តតាមផ្លូវជាតិលេខ6 និងផ្លូវលេខ62 ចម្ងាយប្រហែល16.5គីឡូម៉ែត្រ រួចបត់ស្ដាំតាមផ្លូវលេខ219 ប្រហែល15 គីឡូម៉ែត្រ នៅជិតប្រាសាទយាយព័ន្ធ។