ប្រាសាទស្រីគ្រប់លក្ខណ៍ ជារមណីយដ្ឋានបែបប្រវត្តិសាស្រ្តនិងវប្បធម៌ដែលមានសក្ដានុពលខាងវិស័យទេសចរណ៍ដែលអាចទាក់ទាញភ្ញៀវទេសចរមកទស្សនា។ លក្ខណៈពិសេសរបស់ប្រាសាទគឺមានរាងបួនជ្រុង មានខ្លោងទ្វារមួយដែលសាងសង់ពីថ្មភក់និងមានដើមឈើដុះព័ទ្ធជុំវិញ ហើយមានខ្យល់អាកាសបរិសុទ្ធ។ប្រាសាទស្រីគ្រប់ល័ក្ខណ៍ មានចម្ងាយប្រហែល34 គីឡូម៉ែត្រពីទីរួខេត្តកំពង់ធំ ដោយធ្វើដំណើរចេញពីទីរួមខេត្តតាមផ្លូវជាតិលេខ6 ទៅមុខត្រង់តាមផ្លូវលេខ62 បានប្រហែល5 គីឡូម៉ែត្ររួចបត់ស្ដាំតាមផ្លូវលេខ219 ប្រហែល13 គីឡូម៉ែត្រ នឹងរួចបត់ឆ្វេងប្រហែល2.5 គីឡូម៉ែត្រ នៅក្បែរប្រាសាទក្រោលរមាស។