សួនវត្តបុទុមវត្តី ជាសួនច្បារដ៏មានប្រជាប្រិយភាពមួយកន្លែងនៅរាជធានីភ្នំពេញ។ ទីនោះជាទីពេញនិយមសម្រាប់មនុស្សគ្រប់វ័យ ដោយពួកចូលចិត្ដទៅទីនោះដើម្បីធ្វើលំហាត់ប្រាណ រាំ និងបរិភោគអាហារតាមផ្លូវជាដើម។ នៅទីនោះផងដែរមានទីធ្លាធំទូលាយ មានបង់សម្រាប់អង្គុយលេង និងមានលម្អដោយសួនច្បារខៀវស្រងាត់អមដោយដើមឈើជុំវិញសួន ដែលពិតជាសាកសមបំផុតសម្រាប់សម្រាកលំហែពីការសិក្សា ពីការងារ និងពេលឈប់សម្រាក។