វិហារកាតូលិកចាស់ មានទីតាំងស្ថិតនៅលើភ្នំបូកគោ ជាស្ថាបត្យកម្មបែបបារាំង ព្រោះត្រូវបានសង់ឡើងដោយជនជាតិបារាំងនៅដើមឆ្នាំ1920។ ទោះបីអគារព្រះវិហារនេះមានលក្ខណៈចាស់បន្តិចមែន ប៉ុន្តែវាមានភាពទាក់ទាញយ៉ាងខ្លាំងដោយអគារនេះរក្សាបានទ្រង់ទ្រាយដើម មិនបែកបាក់ និងមានសភាពរឹងមាំ ផុសចេញនៅកណ្ដាលវាលស្មៅដ៏ធំល្វឹងល្វើយ។ លើសពីនេះ នៅខាងក្រោយព្រះវិហារ​ក៏មានទួលមួយដែលជាកន្លែងគយគន់ថ្ងៃលិចដ៏ស្រស់ស្អាតជាងគេនៅលើភ្នំបូកគោ។ ពេលភ្ញៀវទេសចរបានឆ្លងកាត់​ទីនេះ ពួកគេមិនដែលខានចូលមកថតរូបកម្សាន្តជាមួយសម្រស់អគារចាស់មួយនេះឡើយ។ មនុស្សជាច្រើនក៏ចូលចិត្តមកថតរូបមុនពេលរៀបការនៅទីនេះផងដែរ។